Túrkııa prezıdenti Rejep Taıyp Erdoǵan seısenbi kúni Gazıantep provınsııasynyń Nýrdaǵy qalasyna baryp, zilzala bolǵan aımaqta jańa turǵyn úıler boı kóteretinin aıtty.
«Bir jyl ishinde 11 provınsııanyń qalalarynda 200 myńǵa deıin turǵyn úı salý josparlanyp otyr. Apat aımaǵyndaǵy aýyldarda taǵy 70 myń úı salynady», dedi Erdoǵan qala turǵyndarymen kezdesý barysynda.
Túrkııa prezıdenti apat aımaǵyndaǵy jaǵdaı tolyq tekserilgen soń salynatyn turǵyn úılerdiń naqty sany anyqtalatynyn atap ótti.
Aıta ketsek, sońǵy aptalarda Gazıantep provınsııasynan 87 myń turǵyn eldiń basqa aımaqtaryna evakýasııalanǵan.
