Baǵdarlamanyń saıtynda naqtylanǵandaı, endi úmitker shet tilin biletindigin rastaıtyn qujatty usynýy tıis.
«Úmitkerler ótinish bergen kezde shet tilinen emtıhan tapsyrý týraly sertıfıkat usynýy kerek. Máselen, aǵylshyn tilindegi magıstratýraǵa túsýshiler 9.0-den keminde 6.0 nátıjesi bar IELTS sertıfıkatyna ıe bolýy kerek, TOEFL: 677-den PBT 498, 120-dan IBT 60, taǵylymdamadan ótýge úmitkerler IELTS 5.0, TOEFL: PBT-417, IBT-35, DET 75 sertıfıkattary jaramdy bolyp sanalady», delingen habarlamada.
«Halyqaralyq baǵdarlamalar ortalyǵy» AQ Basqarma tóraǵasy Oljas Sákenovtyń aıtýynsha, bıyl «Bolashaq» baǵdarlamasy boıynsha konkýrstyq irikteý erejeleris birshama jetildirilgen.
«Bul shara kandıdattardyń sapalyq quramyn arttyrý úshin qabyldandy. «Bolashaq» baǵdarlamasy boıynsha úmitkerler shet tilin bilýdiń joǵary deńgeıin rastaýy tıis», dedi ol.
2020 jyldan bastap «Bolashaq» stıpendııasyn taǵaıyndaý konkýrsyna kvotalyq sanattaǵy kandıdattardy qospaǵanda, jetekshi sheteldik joǵary oqý oryndarynan shartsyz shaqyrýy bar úmitkerler ǵana qatysa alady. Sondaı-aq V1 jáne odan joǵary deńgeıi bar QAZTEST memlekettik til boıynsha emtıhan tapsyrý týraly sertıfıkattyń bolýy mindetti.
2023 jyly «Bolashaq» baǵdarlamasy boıynsha 555 stıpendııa bólindi. Onyń ishinde 395 stıpendııa magıstratýra/rezıdentýra, 50 – doktorantýra, 110 stıpendııa – taǵylymdamadan ótý baǵdarlamalaryna tıesili.
Búginde qujattardy qabyldaý jáne konkýrstyq irikteý prosesi tolyǵymen avtomattandyrylǵan. Bul halyqaralyq stıpendııa taǵaıyndaýdyń ashyqtyǵyn qamtamasyz etti.
