Kollajdy jasaǵan Záýresh SMAǴUL, «EQ»
Áıtkenmen, keıingi jyldary óńirde aýyl halqynyń áleýetin arttyrýǵa baǵyttalǵan qanatqaqty joba jemisin bere bastady. Al áleýmetti jumyspen qamtý baǵytynda qandaı jumystar qolǵa alynyp jatyr?
Memleket basshysy Qasym-Jomart Toqaev turǵyndardy jumyspen qamtýdyń mańyzdy ekenin udaıy aıtyp keledi. Bul rette oblystyń Jumyspen qamtýdy úılestirý jáne áleýmettik baǵdarlamalar basqarmasynyń basshysy Erkin Kelesov birqatar derekti alǵa tartty. Onyń aıtýynsha, 2022 jyly turǵyndardy jumysqa ornalastyrý jospary 33 879 adam bolsa, bul jospar 144,5 paıyzǵa oryndalyp, jumyspen qamtylǵandardyń sany 48 944 adamǵa jetken.
«Prezıdent tapsyrmasyna sáıkes, 2022 jyly 10 myń turǵynǵa 100 jańa jumys ornyn qurýdyń oblystyq jospary 6,2 myń jumys orny bolyp bekitilse, jyl qorytyndysymen oblysta 15,4 myń jumys orny qurylyp, jospar artyǵymen oryndaldy. Negizinen halyqty jumyspen qamtý máseleleri 2022 jyldan bastap kásipkerlikti damytý jónindegi Ulttyq joba aıasynda iske asyrylyp jatyr. 2022 jyly jumyspen qamtýǵa 49 500 adamdy tartý josparlanǵan, jospar 152,7 paıyzǵa oryndalyp, 75 565 adam jumyspen qamtýdyń belsendi sharalaryna tartyldy», deıdi basqarma basshysy.
Onyń aıtýynsha, buǵan qosa, turaqty jumysqa 23 296 adamdy ornalastyrý josparlanyp, barlyǵy 35 590 adam turaqty jumysqa turǵan nemese jospar 152,8 paıyzdy quraǵan.
О́ńirde Ulttyq joba aıasynda atqarylatyn jumystarǵa aıryqsha basymdyq berilip otyr. Aıtalyq, joba sheńberinde uzyn-sany áleýmettik jumys oryndaryna 960 adamǵa 257,6 mln teńge qarastyrylyp, 1 168 adam joldanǵan. Onyń ishinde 1 100 azamat turaqty jumysqa ornalasqan.
Oblysta jastar praktıkasy arqyly turǵyndardy jumyspen qamtý máselesi de jolǵa qoıylǵan. Basqarma basshysynyń sózine sensek, búginde 1 046 jas turaqty jumyspen qamtylyp otyr. Sondaı-aq aqyly qoǵamdyq jumystarǵa tartý máselesi de kún tártibinen túsken emes. Atap aıtar bolsaq, óńirde 7 266 azamatqa 4536,2 mln teńge qarastyrylyp, qazirgi tańda 9 847 azamat qoǵamdyq jumystarǵa joldanypty.
«Jambyl oblysynda «Bastaý-Bıznes» jobasy boıynsha onlaın oqytý kýrstaryna 21 044 azamat joldanyp, 16 180 adam oqýyn aıaqtady. Sonymen qatar Ulttyq joba aıasynda kásipkerlikti damytýǵa 2 634 adamǵa 400 AEK kóleminde 3 227,2 mln teńge memlekettik qaıtarymsyz grant berildi. Halyqty jumyspen qamtý baǵytyndaǵy mańyzdy is-sharalardyń biri – jastardy jumyspen qamtý. Prezıdent óz Joldaýynda jastarǵa jan-jaqty qoldaý kórsetý memleketimizdiń basty mindetiniń biri ekenin aıta otyryp, eńbekpen qamtıtyn túrli is-sharalar arqyly kelesi jyly 100 myń jasqa jumys beriletinin jetkizdi. Naqty qadamnyń alǵysharty retinde jastardy jumyspen qamtý baǵytynda naqty jobalar júzege asyp jatyr. Kásipkerlikti damytý jónindegi ulttyq joba aıasynda 2022 jyly jumyspen qamtý organdarynyń yqpalymen 29 jasqa deıingi jastardan 29 253 adam jumyspen qamtýdyń belsendi is-sharalaryna tartyldy, 10 145 adam bos turǵan jumys oryndaryna ornalassa, 363 jas qysqa merzimdi kásibı oqytýǵa, 547 jas onlaın oqytýǵa, 1 840 túlek jastar praktıkasyna, 193 jas áleýmettik jumys oryndaryna joldanyp, 2 025 jas aqyly qoǵamdyq jumystarǵa tartyldy. Sondaı-aq 32 jas «Urpaqtar kelisimshartyna», 185 jas «Alǵashqy jumys orny» jobasyna, 11 991 jas «Bastaý-Bıznes» jobasymen kásipkerlik negizderine oqýǵa joldanyp, 1 932 jas qaıtarymsyz grant aldy», deıdi E. Kelesov.
О́ńirdegi az qamtylǵan otbasylarǵa járdemaqy tóleý máselesi de jolǵa qoıylǵan. Naqtyraq aıtar bolsaq, ataýly áleýmettik kómekten úmitti otbasylarǵa qazan aıynan bastap sms-habarlamalar joldanǵan. Nátıjesinde, 218 otbasyna tıisti AÁK taǵaıyndalǵan. Jalpy, 2022 jyly óńirdegi 9 219 otbasyndaǵy 48 298 azamatqa ataýly áleýmettik kómek kórsetý úshin 3,8 mlrd teńge tólengen.
«Ataýly áleýmettik kómek alýshylardy masyldyq pıǵyldan aryltýdyń mańyzy zor ekenin túsinetin kez jetti. Qansha degenmen eńbekpen jegen nan tátti ǵoı. Sondyqtan da eńbekke jaramdy azamattardy jumysqa tartý is-sharalary qabyldanyp jatyr. Jyl basynan AÁK alýshylar qataryndaǵy eńbekke jaramdy 2 591 adam jumyspen qamtýdyń belsendi is-sharalaryna tartylyp otyr. Onyń ishinde turaqty jumys oryndaryna – 2 036 adam, aqyly qoǵamdyq jumysqa – 343 adam, áleýmettik jumys oryndaryna – 93, qysqa merzimdi oqý kýrstaryna – 69 adam, jastar praktıkasyna 9 adam joldanyp, 41 adam jańa bıznes-ıdeıalaryn iske asyrý úshin qaıtarymsyz grant alǵan. Naqty atqarylǵan jumystardyń nátıjesinde ótken jylǵy esepti merzimmen salystyrǵanda AÁK alýshylardyń sany 22,3%-ǵa tómendegenin aıta ketken lázim», deıdi basqarma basshysy.
Onyń aıtýynsha, kepildik berilgen áleýmettik toptamamen AÁK alýshy otbasylardaǵy 1 jastan 6 jasqa deıingi 12 284 bala qamtylyp, 722,1 mln teńge tólendi. Erkin Kelesovtiń sózine sensek, óńir turǵyndaryn masyldyq psıhologııadan aryltý baǵytynda oblysta atqarylatyn jumys az emes. Osylaısha, basqarma basshysy eńbekke jaramdy azamattardyń basym bóliginiń jumyspen qamtylýyna kúsh salýdy kóksep otyr. Nátıjesi qandaı bolatynyn ýaqyt kórsete jatar.
Jambyl oblysy
