2021 jylǵy jeltoqsanda «Ortalyq Azııa elderindegi áıelder kásipkerliginiń kún tártibi» atty WAGE óńirlik baǵdarlamasy sheńberinde 30-dan astam áıelder bıznes qaýymdastyqtary men azamattyq qoǵamnyń áıelder uıymdaryn biriktirgen Qazaqstandaǵy áıelder kásipkerligin jáne genderlik teńdikti damytý jónindegi koalısııa (Koalısııa) quryldy. Atalǵan uıym Qazaqstandaǵy áıelder kásipkerliginiń kún tártibin ázirledi. Onda áıelderdiń ekonomıka salasyna tartylýyna kedergi keltiretin negizgi quqyqtyq jáne genderlik faktorlar kórsetilgen. Bul máselelerdi sheshýge arnalǵan usynymdar ázirlengen qujat.
Máselen, kún tártibindegi usynymdar sheńberinde Ulttyq ekonomıka mınıstrligi (UEM) jáne Sıfrlyq damý, ınnovasııalar jáne aeroǵarysh ónerkásibi mınıstrligi (SDIAО́M) «Atameken» UKP-men birlesip, kásipkerler úshin EGOV platformasynda kásipker áıelderge arnalǵan bıznes týraly aqparatpen qamtylǵan jeke beti (qosalqy portaly) bar, «bir tereze» qaǵıdatyna negizdelgen biryńǵaı portal qurý qajet.
Ishki portaldy mynadaı negizgi bólimderden qurýǵa bolady:
- Áıelder kásipkerligin qoldaý saıasaty men baǵdarlamalary. Áıelder kásipkerligi salasyndaǵy ulttyq jáne jergilikti saıasattyń kórinisi.
- Innovasııalyq qarjylandyrý. Kásipker áıelder úshin ıntegrasııalanǵan qarjylyq qyzmetterge, fınteh jáne balamaly ınnovasııalyq qarjylandyrý kózderine qatysty aqparat berý.
- Kásipker áıelderdiń óz bıznesin keńeıtý jáne damytý úshin sıfrlyq quraldar men tehnologııalardy paıdalaný daǵdylaryn nyǵaıtý.
- Áıelder kásipkerligin damytýǵa yqpal etetin múmkindikterdi usynatyn onlaın oqytý ortalyǵy.
- Onlaın tálimgerlik baǵdarlamalary.
- Jańa bıznes múmkindikteri týraly habardarlyqty arttyrý.
- Áıelder bıznes uıymdarynyń jeke derekqoryn qurý.
- Onlaın bıznes-keńesshiler.
- Qoldaý qyzmetine suraý salý.
«Bıznesti qoldaýdyń memlekettik baǵdarlamalary týraly aqparattar jınaqtalǵan biryńǵaı onlaın bıznes-platformanyń bolmaýy qarjy resýrstaryna qol jetkizýge kedergi keltiredi. Qazaqstanda tájirıbede qoldanylatyn sapaly bıznes-oqytýdyń bolmaýy men genderlik kedergiler áıelderge kásipkerlik qyzmetpen tolyqqandy aınalysýǵa qolbaılaý bolyp otyr», dep atap ótti Qazaqstandaǵy WAGE baǵdarlamasynyń úılestirýshisi Zarına Bekbolat.
Koalısııa joǵaryda atalǵan kedergilerdi azaıtý jáne Qazaqstan áıelderiniń kásipkerlik qyzmetin damytýdaǵy maqsattarǵa qol jetkizý úshin kúsh biriktirdi.
