Túrkııadaǵy jer silkinisinen zardap shekkenderge kómek kórsetý sharalary álemniń túkpir-túkpirinde áli de jalǵasyp jatyr. Osy joly Tahsın men Gúlaısha Danajylar kópshiliktiń ystyq yqylasyna bólendi. Chorýmnyń Alaja aýdanynda turatyn olar qarapaıym tirshilik keship júrgen jandar. Joldasy sharýashylyqpen aınalyssa, Gúlaısha hanym úı sharýasyndaǵy áıel. Ekeýiniń armany - Ýmraǵa barý edi. Armandaryn oryndaý úshin 20 jyl boıy tirnektep aqsha jınaǵan. Alaıda bir sáti túspegen. Endi halyq basyna túsken qıyn kezeńde osy qarajatty zilzaladan zardap shekkenderge aýdarýǵa sheshim qabyldaǵan. Sóıtip, aqshany Túrik Qyzyl Aı qorynyń Alaja bóliminiń basshysy Fatıh Arslanǵa tabystady.
«Elimiz ben halqymyzǵa sabyr bersin. Qaza tapqandardyń otbasyna kóńil aıtamyn, tiri qalǵandarǵa sabyr, al jaralylarǵa shıpa tileımin. Qıyn kúnderde biz de halyqqa kómek kórsetýji jón kórdik. Jıǵan aqshamyzdy kómek retinde beremiz dep sheshtik», dedi erli-zaıyptylar.
