«Jolaýshynyń joldy qońyry» - eki taraýly kúı. Súgirdiń Maqpýza qyzben tartys ústinde shyǵarǵan kúıi. Súgir ózi shertkende «Jigittiń tartqany», «Qyzdyń tartqany» dep jiktep otyrǵan eken.
Maqpýza kúıshi men Súgir sóz baılasqan adamdar emes. Olar eski dástúrmen atastyrylǵan. Bul týraly Aqseleý Seıdimbek «Qazaqtyń kúı óneri» monografııasynda: «El aýzynda Súgir men Maqpýzany ǵashyq etip qoıatyny, sodan ýáde baılasqan qos ǵashyqtyń armandaryna jete almaı qalatyny sol aýyzdan-aýyzǵa kóshken áńgimeniń túrlenip-qubylýynyń jemisi. Aqıqatynda Maqpýza qyz Naıman ishindegi Baǵanalylardyń tórt bosaǵasynyń biri atalǵan Babyrdyń ósip-óngen balalarynyń birine atastyrylyp, óziniń erik-yntasymen uzatylǵan. Maqpýzadan órbigen urpaq Ulytaý tóńireginde ondap sanalady», dep jazǵan.
