Keıingi jyldarda elimizde údemeli ındýstrııalyq-ınnovasııalyq damý baǵdarlamasyna erekshe kóńil bólinip kele jatqany belgili. Elbasymyz Nursultan Nazarbaev osy arqyly memlekettiń shıkizatty ekonomıkaǵa táýeldiligin boldyrmaýdy kózdep otyr. О́ıtkeni, qalaı degende de, munaıdyń da, gazdyń da bir kezde azaıatyny, tipti túgesiletini belgili. Innovasııaly ekonomıkaǵa arqa súıegen ozyq elderdiń óz jerinde qazba baılyqtary bolmasa da damýdyń dańǵyl jolyna túskenin búkil álem kórip otyr.
Sonymen birge, jer qoınaýyna bitken baılyqty biryńǵaı satýmen biraz jyl jaǵdaıyn túzep, ol baılyq sarqylýǵa jaqyndaǵanda daǵdarysqa ushyraǵan elderdiń mysaly da myna dúnıede jetkilikti. Al daıyn ónimder shyǵarý, ony básekege qabiletti etý máselesin sheshken elderdiń jóni bólek. Qazaqstan osy baǵytty ustanyp otyr.
Qazaqstan Prezıdentiniń eldi oza damyǵan otyzdyqtyń qataryna qosý maqsatyn kózdegen Strategııasy oıdaǵydaı oryndalyp kele jatqan óńirlerdiń biri – Shyǵys Qazaqstan. Munda qurylǵan ındýstrııalyq aımaqtardyń negizgi mindetteri qatarynda ónerkásipte, qurylysta shaǵyn jáne orta kásipkerlikti damytýǵa septesý, otandyq jáne sheteldik ınvestorlardy osy iske tartý, jańa óndiristik baǵyttardy qurýǵa beıimdelgen ınnovasııalyq baǵdarlamalardy engizý bar. Indýstrııalyq aımaqtar ımport almastyratyn jáne básekege qabiletti óndirister qurýdy yntalandyrý úshin qajetti jaǵdaılar jáne búgingi kúngi ınfraqurylym jasaý maqsatymen dúnıege kelgen.
Keshe Elbasy Nursultan Nazarbaev Shyǵys Qazaqstan oblysyndaǵy jumys saparyn óńirdiń iri kásiporny – «О́skemen tehnologııalyq jabdyqtar zaýyty» jaýapkershiligi shekteýli seriktestigin aralap kórýden bastady. Zaýyt jylý energetıkasynda, sondaı-aq, ekologııalyq ónerkásipte gazdardan tazartý úshin paıdalanylatyn elektrli fıltrler shyǵarady. Onyń ónimderi elimizde ǵana emes, alys jáne jaqyn shetelderde de suranysqa ıe. Munda jylý energetıka keshenine, qurylys ındýstrııasy men metallýrgııaǵa arnalǵan ónimder de shyǵarylady. Elimizde buǵan uqsas kásiporyn joq.
Elbasy oblystyń ındýstrııalandyrý kartasymen tanysty. Onda Prezıdent Nursultan Nazarbaevqa óńirde júzege asyrylyp jatqan jobalar kórmesi usynyldy. Kórmede oblystyń áleýmettik-ekonomıkalyq damýyna tyń serpin beretin mańyzdy jobalar kórinis tapqan. Bıyl 17,5 mlrd. teńgege 13 jobany júzege asyrý kózdelip otyr. Osy arqyly 1454 jańa jumys orny qurylatyn bolady.
Prezıdenttiń jumys sapary búgin jalǵasady. Elbasy sapar barysynda óńirdegi birqatar óndiristik jáne áleýmettik nysandardy aralap kóredi, sondaı-aq, kásipkerlermen jáne jurtshylyq ókilderimen kezdesý ótkizedi dep josparlanýda.
Dýman ANASh,
«Egemen Qazaqstan».
Shyǵys Qazaqstan oblysy.
Sýretterdi túsirgender
S.BONDARENKO, B.OTARBAEV.
