Abaı atyndaǵy QazUPÝ Basqarma tóraǵasy–rektor Darhan Bilálov ýnıversıtettiń bilim berý, ǵylymı-zertteý qyzmetimen tanystyryp, mekteptermen baılanysty nyǵaıtý jáne elimizdiń bolashaq pedagogtaryn qalyptastyrý baǵytynda iske asyrylyp jatqan jobalarmen bólisti.
Jıyn barysynda bilim salasyndaǵy birinshi kezektegi mindetter, «Pedagog» uǵymynyń qundylyǵy, bilim berý men kadrlar daıarlaý sapasyn arttyrý, qazaqstandyq muǵalimderdiń mártebesin kóterý máseleleri talqylandy. Bul sharalar jas ustazdarǵa úlken múmkindikter beretini basa aıtyldy.
Mınıstr qazaqstandyq bilim berý júıesin álemdik brendke aınaldyrý, pedagogıkalyq bilim berý tujyrymdamasynyń qundylyǵyn arttyrý, muǵalimderdiń myqty bazasyn jáne mektep dırektorlarynyń kadrlyq rezervin qurý, jas muǵalimder qatarynan myqty kadrlar daıarlaý, joǵary pedagogıkalyq etıkasy bar mamandardy qalyptastyrý, memlekettik til mártebesin nyǵaıtý, mektepter men respýblıkalyq kitaphanalar úshin jaǵdaı jasaý máselelerine nazar aýdardy. Ǵanı Beısenbaev kitaphanalarǵa jaǵdaı jasaý jáne olardy ǵylymı-pedagogıkalyq, ádistemelik quraldarmen qamtamasyz etý, bilim berý baǵdarlamalary men standarttaryna tıimdi ınnovasııalar engizý, ádistemelik usynystar, ınklıýzıvti bilim berý júıesin damytý, mektep oqýlyqtarynyń avtorlaryna qoıylatyn talaptar boıynsha júrgizilip jatqan jumystardy atap ótti.
Kezdesýde stýdentter men oqytýshylar ózderin tolǵandyrǵan saýaldaryn qoıyp, orta bilim berý júıesin jetildirý boıynsha óz oılaryn ortaǵa saldy.
