Shetel jumys kúshin tartýǵa ruqsattardyń arasynda mynadaı sanattar bar: basshylar men olardyń orynbasarlary úshin 570 ruqsat (birinshi sanat), qurylymdyq bólimshelerdiń basshylary úshin 3 000 ruqsat (ekinshi sanat). Tartylǵan ShJK negizgi bóligi úshinshi (mamandar) jáne tórtinshi (bilikti jumysshylar) sanattarǵa jatady – tıisinshe olar 7 388 jáne 883 adam. Sondaı-aq maýsymdyq jumystarǵa 217 adam, al korporatıvtik aýystyrý aıasynda 1 438 adam tartyldy. Qazirgi ýaqytta Qazaqstanda ShJK paıdalanatyn 1 645 jumys berýshi bar. Olarda 411 myńnan astam Qazaqstan azamaty jumys isteıdi, bul qyzmetkerlerdiń jalpy sanynyń 96% - y.
Ekonomıkalyq qyzmet túrleri boıynsha eń kóp jumys isteıtinder qurylys salasynda – 5 458 adam (42%); taý – ken ónerkásibi jáne karerlerdi qazý – 1 879 adam (11%); aýyl, orman jáne balyq sharýashylyǵy – 1 733 adam (4%); óńdeý ónerkásibi – 1 641 adam (7%); kásibı, ǵylymı jáne tehnıkalyq qyzmet – 1 057 adam (8% ).
Eńbek mıgranttary keletin negizgi elder: Qytaı – 3 411 adam, Úndistan – 1 693 adam, Túrkııa – 1 615 adam, Ulybrıtanııa – 1 104 adam, О́zbekstan – 391 adam.
Ishki eńbek naryǵyn qorǵaý maqsatynda Eńbek jáne halyqty áleýmettik qorǵaý mınıstrligimen jyl saıyn respýblıkaǵa shetel mamandaryn tartýǵa kvota belgileıdi jáne bóledi. 2023 jylǵa Eńbekmıni ShJK tartýǵa arnalǵan kvotany 22 226 birlik (0,24%) belgiledi.
