«Bıyl 5 mln teńgege deıin jyldyq 2,5 paıyzben jastarǵa shaǵyn nesıe berýdiń jańa mehanızmin engizý josparlanyp otyr. Shaǵyn nesıe berý merzimi 5 jylǵa deıin, mal sharýashylyǵy jobalaryna shaǵyn nesıe berý merzimi 7 jylǵa deıin belgilendi. Shaǵyn nesıeniń eń joǵary somasy 5 mıllıon teńgege deıin, al nomınaldy syıaqy mólsherlemesi jyldyq 2,5 paıyzdan aspaıdy. Al negizgi qaryzdy óteý jáne syıaqyny tóleý boıynsha jeńildik merzimi shaǵyn nesıe berý merziminiń 1/3 bóliginen aspaıdy», dedi Sábıt Jamanbaev.
Sondaı-aq 20 aqpannan bastap jańa bıznes-ıdeıalardy júzege asyrýǵa arnalǵan óteýsiz granttardyń birinshi legi boıynsha ótinimderdi qabyldaý bastaldy. О́tinishter kezeń-kezeńimen 4 aǵynmen business.enbek.kz portaly arqyly qabyldanady. Bıyl halyqtyń áleýmettik osal toptarynan 132 azamatqa granttar berildi.
Jumys izdeýshiler úshin de, jumys berýshiler úshin de osy belsendi jumyspen qamtý sharalarynyń barlyǵy enbek.kz Elektrondyq eńbek bırjasynyń portalynda qoljetimdi. Sondaı-aq jumys berýshiler Jumyspen qamtý ortalyǵyna habarlaspaı-aq bos jumys oryndaryn osy portalǵa ornalastyra alady.
