Bul týraly jeke tulǵalardyń bankrottyǵy týraly ótken brıfıngte aıtyldy.
Ortalyq kommýnıkasııalar qyzmetindegi brıfıng barysynda jýrnalıster bankrottyqtan keıingi máselege qatysty suraqtar qoıdy.
Qaırat Mııatov bankrottyqtan keıin jeke tulǵalarǵa kredıtter alýǵa shekteýler, sondaı-aq boryshkerdiń qarjylyq jaǵdaıyna monıtorıng júrgiziletinin aıtty.
«Qarjylyq monıtorıng zańsyz isterdiń aldyn alý úshin qarastyrylǵan. Úsh jyl ishinde salyq esepterin qadaǵalaı otyryp, biz bankrottyq kezeńinde óz múlkin nesıe berýshilerden jasyrǵan jáne qaryzdaryn ótemegen boryshkerlerdi anyqtaımyz. Eger mundaı faktiler anyqtalsa, bankrottyq rásimi joıylady jáne barlyq óndirip alý sharalary aǵymdaǵy tártippen qaıta bastalady», dedi Mııatov.
Alaıda ózderin bankrot dep jarııalaǵannan keıin resmı jumysqa ornalasqan adamdar úshin tártip basqasha bolady.
«Bankrottyqtan keıin zańdy túrde jumysqa ornalasyp, jalaqy ala bastaǵan adamdarǵa keletin bolsaq, olarǵa eshqandaı shekteýler men aıyppuldar salynbaıdy. О́ıtkeni bilikti maman joǵary jalaqy alýǵa tolyqtaı quqyly», dep túıindedi ol.
