Eńbek jáne halyqty áleýmettik qorǵaý mınıstrliginiń habarlaýynsha, biryńǵaı tólem buryn qoldanysta bolǵan 34%-dan eńbekaqy tóleý qoryna jıyntyq júktemeni tómendetý jáne tóleýshilerdiń tek óziniń jaldamaly jumyskerleri úshin jeke tabys salyǵyn jáne belgilengen mólsherlemelerden tómen jumyskerlerdiń tabysynan esepteletin mindetti áleýmettik tólemderdi tóleýi maqsatynda engizilgen. Mólsherleme jyl saıyn ulǵaıa beredi:
- 2023 jylǵy 1 qańtardan bastap – 20 %;
- 2024 jylǵy 1 qańtardan bastap – 21,5 %;
- 2025 jylǵy 1 qańtardan bastap – 23,8 %;
- 2026 jylǵy 1 qańtardan bastap – 24,8 %;
- 2027 jylǵy 1 qańtardan bastap – 25,8 %;
- 2028 jylǵy 1 qańtardan bastap – 26,3 %.
Biryńǵaı tólem mólsherlemesiniń jyl saıynǵy ulǵaıýy 2024 jylǵy 1 qańtardan bastap jumys berýshiniń mindetti zeınetaqy jarnalarynyń engizilýine baılanysty, mólsherlemeniń 2028 jylǵy 1,5%-dan 5%-ǵa deıin kezeń-kezeńimen ulǵaıýy, sondaı-aq biryńǵaı tólem tóleýshiler úshin 2025 jylǵy 1 qańtardan bastap Memlekettik áleýmettik saqtandyrý qoryna áleýmettik aýdarymdar mólsherlemesiniń 3,2%-dan 4,5%-ǵa deıin ózgerýine baılanysty.
Biryńǵaı tólem jeke tabys salyǵyn, mindetti zeınetaqy jarnasyn, MÁSQ-ǵa áleýmettik aýdarymdardy, Áleýmettik medısınalyq saqtandyrý qoryna jarnalar men aýdarymdardy qamtıdy.
Biryńǵaı tólemdi tóleýshi esepti aıdan keıingi aıdyń 25-inen keshiktirmeı ekinshi deńgeıdegi bankter men bank operasııalarynyń jekelegen túrlerin júzege asyratyn uıymdar arqyly «Azamattarǵa arnalǵan úkimet» memlekettik korporasııasy bank shotyna biryńǵaı aýdarylatyn aıdy kórsete otyryp, qolma-qol aqshamen ne qolma-qol aqshasyz tásilmen tóleıdi.
