Vo Van Thýong otanyna, bıleýshi Vetnam Kommýnıstik partııasyna jáne Vetnam halqyna adal bolýǵa ant berdi. Memleket basshysynyń ulyqtaý rásimi daýys berý qorytyndylary jarııalanǵannan keıin birden ótti.
52 jastaǵy Vo Van Thýong qazirgi Vetnam tarıhyndaǵy 12-prezıdent boldy. Ol 1970 jyly 13 jeltoqsanda ońtústiktegi Vın Long provınsııasynda dúnıege kelgen. 1992 jyly Ońtústik Hoshımın ýnıversıtetiniń fılosofııa fakýltetin markstik-lenındik fılosofııa mamandyǵy boıynsha, al 1999 jyly Vetnam ulttyq ýnıversıtetiniń áleýmettik jáne gýmanıtarlyq ǵylymdar ýnıversıtetinde fılosofııa magıstri dárejesin aldy. Osy jyldar ishinde Vetnam Kommýnıstik Jastar Odaǵynda, jergilikti partııa uıymdarynda jaýapty qyzmetter atqaryp, 2007 jyly maýsymda Ulttyq jınalysqa depýtat bolyp saılandy.
Prezıdentti, premer-mınıstrdi jáne parlament tóraǵasyn qosa alǵanda, barlyq jetekshi kadrlardy saılaý Vetnam Kommýnıstik partııasy Ortalyq Komıtetiniń usynysy boıynsha Vetnam Sosıalıstik Respýblıkasynyń Konstıtýsııasyna sáıkes Ulttyq jınalys ótedi.
1 naýryzda Hanoıda ótken Vetnam Kommýnıstik partııasy Ortalyq Komıtetiniń 13-shaqyrylymyndaǵy kezekten tys plenýmynda bılik partııasy otstavkaǵa ketken Ngýen Sýan Fýktyń ornyna el prezıdenttigine Vo Van Thýongtyń kandıdatýrasy usynyldy. Jańa prezıdent eldi 2026 jylǵa deıin basqarady.
69 jastaǵy Ngýen Sýan Fýk qazirgi Vetnam tarıhyndaǵy ókilettiligi aıaqtalmaı turyp otstavkaǵa ketken tuńǵysh prezıdent boldy.
