Alyp aǵash

Onyń 1300 jyldyq tarıhy bar Qarnaq aýylynda 1300 jyl boıy ósip turǵan tut aǵashy bar. Onyń enin boılaǵanda alty adamnyń qushaǵy áreń jetedi. Imam Baqlı mazarynda orna­lasqan báıterek jaıynda ártúrli ańyz áńgimeler bar. Sonyń bireýin bizdi aǵashqa alyp barǵan Qarnaq aýyldyq ózbek etnomádenı ortalyǵynyń tóraǵasy Hýsan Sadırov aıtyp berdi. Áńgi­­­­mege qaraǵanda, osy jerdi meken etýshi Imam Baqlı Paıǵambarymyz (s.ǵ.s.) ásker basy­nyń bir ókili bolǵan eken. Eldi ıslam­ǵa shaqyryp, musyl­man­shylyqty úı­retý úshin osynda qalypty. Sol kisiniń otyr­­­ǵyzǵan tut aǵashy degen de bir ápsana bar. Búginde bul aǵash Imam Baqlı mazarynda úlken bolyp ósip tur. Sabyrjan Iýsýpov mundaı báıterek aýylda ekeý bolǵanyn aıtady. Onyń biri budan kóp jyl buryn balalar sol mańda ot jaǵyp oınap júrgende órtenip ketipti. Alyp aǵashtyń áýlıelik qasıeti de joq emes. – Qazirgi ósip turǵan alyp aǵashtyń bir jerin túrtip, japyraǵyn julyp, zııan tıgizse adamnyń túsine nebir jaman oqıǵalar kiredi eken. Buryndary aǵashtyń tómengi jaǵynan aǵyp ótetin bulaq bolǵ­an. Sol sýdy ishken adam aýrýy­nan tez aıyǵyp, jaralary de jazylyp ketetin. О́zimiz kishkentaı kúnimizde osy mańda tur­dyq. Qatarlas balalar kúnde osynda oınaıtynbyz. Aǵashtyń ortasy keýektenip ketken. Jańbyr jaýa qalsa, ishine onǵa jýyq bala kirip panalap otyratynbyz. Buryndary munda alys­tan zııarat etip kelýshiler kóp bolatyn. Olar aǵashtyń astynda quran oqytyp, as beretin. Áli de áýlıe aǵashy dep arnaıy keletinder bar. Aldaǵy ýaqytta sol mańdy tazalap, jol salyp rettep qoıýdy josparlap otyrmyz, – deıdi aýyldyq aqsa­­­­qaldar keńesiniń tóraǵasy Sabyrjan Iýsýpov. Búgingi kúni alyp aǵash qartaı­­ǵa­ny­men, ómir súrýge umtylysyn kór­se­tip, butaqtary kógerip, ja­pyraq ashyp tur. Bir qyzyǵy mun­daǵy turǵyndardyń kóp­shiligi aýylda osyndaı alyp aǵashtyń bar ekenin bilmeıdi eken. Qaırat ZAINIShEV. Ońtústik Qazaqstan oblysy.