«Nazarbaev Zııatkerlik mektepteri» DBBU Qamqorshylyq keńesiniń tóraǵasy Shıgeo Katsý keńes sheshimimen Ánýar Janǵozın basqarma tóraǵasy bolyp taǵaıyndalǵanyn habarlady.
Shıgeo Katsý Kúlásh Shámshıdınovaǵa búginde álemge joǵary standarttarymen tanylyp, Qazaqstandy jahandyq bilim berý keńistigine ıntegrasııalaǵan Nazarbaev Zııatkerlik mektepteri júıesin qurýdaǵy jetistigi úshin alǵysyn bildirdi.
Kúlásh Shámshıdınova óz sózinde NIS-tiń barlyq jetistigine komandalyq jumys pen kásibı ujymnyń arqasynda qol jetkizilgenin atap ótti.
Ánýar Janǵozın Máskeý memlekettik ýnıversıtetiniń matematıka fakýltetin, Nazarbaev Ýnıversıtetiniń Kembrıdj ýnıversıtetimen birlese iske asyrylǵan «Bilim berýdegi kóshbasshylyq» baǵdarlamasy boıynsha magıstratýrasyn aıaqtaǵan.
2008 jyldan bastap «Nazarbaev Zııatkerlik mektepteri» DBBU júıesinde menedjer, aǵa menedjer, departament dırektorynyń orynbasary, muǵalim, Astanadaǵy NIS IB dırektory qyzmetin atqarǵan.
2016-2019 jyldary Astana qalasynyń bilim basqarmasy basshysynyń orynbasary jáne basqarma basshysy bolyp jumys istegen.
2022-2023 jyldary «Bolashaq» Halyqaralyq baǵdarlamalar ortalyǵynyń basqarma tóraǵasy bolǵan.
Ánýar Janǵozın álemdik deńgeıde aty shyqqan Zııatkerlik mektepterdi basqarý ol úshin úlken qurmet pen jaýapkershilik ekenin atap ótti.
