Ázerbaıjan áskerı vedomstvosynyń habarlaýynsha, oqıǵa Ázerbaıjan áskerıleri qarý-jaraq tasymaldady degen kúdikpen ruqsatsyz júrip kele jatqan kolonnany toqtatqan kezde bolǵan. Atys nátıjesinde ázerbaıjandyq eki sarbazdyń qaza tapqany habarlandy.
Armenııa Syrtqy ister mınıstrligi Ishki ister mınıstrliginiń úsh ókili qaza tapqanyn habarlady. Vedomstvo qarý-jaraq tasymaldady degen aıyptaýlardy qısynsyz dep atap, kolonnany quraǵan áskerılerdiń qolynda qujattary jáne tek qyzmettik qarý bolǵanyn basa aıtty.
Eske salaıyq, 2022 jyldyń qarashasynda Armenııa men Ázerbaıjan AQSh-ta beıbit kelissózder júrgizdi. Eki eldiń syrtqy ister mınıstrleri áleýetti bitimgershilik kelisiminiń elementteri týraly pikir almasyp, áli de sheshýdi qajet etetin birqatar másele baryn málimdedi.
