«Bıyl Jeńis kúnine oraı Astana qalasynda tirkelgen jáne turaqty turatyn árbir Uly Otan soǵysynyń ardagerine 800 000 teńgeden qosymsha áleýmettik kómek kórsetilsin», delingen qujatta.
Sondaı-aq Uly Otan soǵysynda qaza tapqan jaýyngerlerdiń jesirlerin qosa alǵanda, elordanyń basqa turǵyndaryna Jeńis kúnine deıin 30 000 teńge kóleminde qosymsha áleýmettik kómek kórsetiledi.
Osylaısha:
- Astanada turatyn ardagerlerge 67 AEK (231 150 teńge) kóleminde áleýmettik kómek kórsetiledi;
- Eńbek ardagerlerine, (Uly Otan soǵysynda qaıtys bolǵan, habarsyz ketken) ekinshi nekege turmaǵan jaýyngerlerdiń ata-analary men jesirlerine, ekinshi nekege turmaǵan jubaıyna (kúıeýi) árqaısysyna 11 AEK (37 950 teńge) bólinedi.
Sondaı-aq 2023 jyly Jeńis kúnine oraı Uly Otan soǵysy ardagerlerine jáne ekinshi ret nekege turmaǵan, qaıtys bolǵan (habarsyz ketken) jaýyngerlerdiń jesirleriniń arasynan shyqqan basqa da tulǵalarǵa 800 000 teńge kóleminde qosymsha áleýmettik kómek kórsetý josparlanyp jatyr.
«Jalpy, 12 ardagerge 1 031 150 teńgeden, Uly Otan soǵysyna qatysqan jaýyngerdiń jesirine 67 950 teńgeden tólenedi», dep qorytyndylady máslıhat.
