«Ortalyq» stadıonda ótken kezdesýdiń birinshi taımyn alań ıeleri sátti bastady. Matchtyń 17-mınýtynda Artýr Shýshenachev jeke sheberliginiń arqasynda qarsylas komandanyń tórt oıynshysyn aldap ótip, dopty qaqpa torynda týlatty. Arada bes mınýt ótkende Gúljigit Alyqulov «Atyraý» qorǵaýshylarynyń qateliginen keıin esepti eseledi. Tablodaǵy kórsetkish 2:0-ge jetken soń, jergilikti jankúıerler óz komandasynyń jeńisine senimdi bola bastaǵan edi. Alaıda oıynnyń 36-mınýtynda qonaqtar sapynan Demır Imerı esep aıyrmasyn qysqartsa, ekinshi taımnyń 66-mınýtynda Evgenıı Kozlov tarazy basyn teńestirip ketti – 2:2. Osylaısha, «Qaırat» mańyzdy eki upaıynan aıyryldy.
Al 5 naýryzǵa josparlanǵan taǵy eki kezdesýde «Maqtaaral» óz alańynda Kókshetaýdyń «Oqjetpes» klýbynan 1:0 esebimen jeńilse, «Qaısar» da Qyzylordada dál sondaı eseppen «Qyzyljarǵa» jol berdi. «Oqjetpes» sapynan Shoqan Abzalov gol soqsa, «Qyzyljardan» Rafael Sabıno dáldik tanytty. Ekinshi týr oıyndary 9-10 naýryz kúnderine josparlanǵan.
