Elimizde tuńǵysh ret ótkizilip jatqan bıatlon básekesiniń alǵashqy kúninde jasóspirimder aralas estafeta (2 qyz, 2 jigit) boıynsha synǵa tústi. Bul jarysta Norvegııa quramasy bas júldeni oljalasa, ekinshi jáne úshinshi oryndardy Germanııa men Ýkraına sportshylary ıelendi. Al jastar arasyndaǵy estafetada Germanııa bıatlonshylary jeńis tuǵyryna kóterildi. Kúmis júlde Fransııa quramasyna, qola medal Norvegııaǵa buıyrdy.
Al ekinshi kúngi jekeleı dodada uldar 12,5 shaqyrymǵa, qyzdar 10 shaqyrymǵa jarysty. Uldar arasyndaǵy básekede slovakııalyq Iаkýb Borgýla aldyna jan salmasa, qyzdar saıysynda germanııalyq Iýlııa Kınk máre syzyǵyn birinshi kesip, altynnan alqa taqty.
