Kompanııa málimdemesinde Terran 1 eń úlken 3D basyp shyǵarǵan usha alatyn orbıtalyq nysan ekeni aıtylǵan.
Zymyrannyń iske qosylýyn YouTube-tan tikeleı efırde kórýge bolady. Efır jergilikti ýaqyt boıynsha tústen keıin bastalady (Grınvıch boıynsha 17.00, Máskeý ýaqyty boıynsha 20.00).
Zymyrannyń uzyndyǵy shamamen 35 metr. Bul eń kishkentaı orbıtalyq zymyrandardyń biri. Alaıda Terran 1-diń basty aıyrmashylyǵy zymyrannyń 85 paıyzy 3D basyp shyǵarylǵan bólshekter men komponentterden turady.
Zymyran salmaǵy 1250 kg-ǵa deıingi júkterdi tómen jer orbıtasyna jetkize alady jáne ár reıske 12 mıllıon dollar qarjy ketedi.
Alaıda bul joly zymyranǵa júk tıelmeıdi. Kompanııa sońǵy synaqty ótkizbesten zymyrandy ǵaryshqa ushyrýǵa daıyn.
«Synaq kezinde zymyrannyń qurylǵylary tozyp ketedi. Sondyqtan eger barlyq júıe durys jumys istep tursa, biz birden iske kóshkendi jón kóremiz», dedi Relativity Space ókili.
