Biz kúndelikti ómirde plastmass zattardy jáne plastmass qaptamadaǵy zattardy jıi tutynamyz. Iri óndirýshi kompanııalar plastmass óndirisin jyldan jylǵa ulǵaıtyp jatyr. Olardyń kishigirim eko aksııalary óńdelýi qıyn jáne qaıta óńdeýge kelmeıtin qaldyqtardy azaıtýǵa qaýqarsyz.
Ǵalymdar bul óndiriske belgili bir deńgeıde shekteý qoımasa nemese arnaıy zańmen rettemese 2050 jylǵa qaraı platmassty tutyný eki esege ósedi dep boljap otyr.
Osyǵan oraı mindetti jahandyq kelisim qurý usynysy ortaǵa salyndy. Economist Impact taldaý ortalyǵy men Nippon Foundation jeke qaıyrymdylyq uıymy basqaratyn Vack to Blue zertteý tobynyń pikirinshe, bir rettik plastıkti qaıta óńdeýdi ulǵaıtý nemese tutynýdy azaıtý boıynsha qoldanystaǵy baǵdarlamalar tek sóz júzinde qalyp jatyr. Sondyqtan jan-jaqty jahandyq jospar qajet.
Birikken Ulttar Uıymy kelesi jyldyń sońyna deıin zańdy kúshi bar shartty ázirleý maqsatynda qarasha aıynda Ýrýgvaıda qorshaǵan ortanyń plastıkpen lastanýyna qarsy kelisim boıynsha kelissózderdi bastaǵan. Kelissózge 175-ke jýyq el qatysty.
Jıynda bir rettik plastıkke qatań tyıym salý týraly úndeý, sonymen qatar iri óndiris kompanııalaryna qaıta óńdeý men qaldyqtardy kádege jaratý jaýapkershiligin júkteýge arnalǵan mindetti sharttar usynyldy.
«Eger bul kelissóz qoldaý tappasa, zańdy kúshine enbese osy ǵasyrdyń ortasyna deıin plastmas qaldyqtar 451 mıllıon tonnaǵa deıin jetedi», deıdi Vack to Blue zertteý toby.
