Fýtbol • 09 Naýryz, 2023

Keńeıtilgen quramda kimder bar?

393 ret

kórsetildi

2 mın

oqý úshin

Sanaýly kúnderden soń fýtboldan Qazaqstan ulttyq quramasy 2024 jyly Germanııa jasyl alańdarynda jalaýy jelbireıtin Eýropa chempıonatynyń irikteý matchtaryn bastaıdy. Naýryz aıynda eki match josparlanǵan. Jerlesterimiz 23 naýryz kúni elordada Slovenııa quramasyn qabyldasa, 26 naýryzda Danııa fýtbolshylarmen kezdesedi. Jýyrda ulttyq quramanyń bas bapkeri Magomed Adıev sol oıyndarda alańǵa shyǵýy múmkin 32 fýtbolshynyń tizimin jarııalady.

Álı BITО́RE

Elimizdiń aıaqdop sheberleri byltyrǵy maýsymdy sátti aıaqtap, Ulttar lıgasynyń «V» dıvızıonyna kóterilgeni belgili. Fýtbol jankúıerleri bıyl da ulttyq qurama ulandarynan joǵary nátıje kútetini anyq. Sondyqtan bolar, bas bapker Magomed Adıev bıylǵy Eýro-2024 týrnıriniń irikteý oıyndaryna negizinen Ulttar lıgasy matchtarynda táýir óner kórsetken fýtbolshylardy shaqyryp otyr. Sondaı-aq keńeıtilgen tizimnen birneshe jas fýtbolshynyń esimderin de baıqadyq.

Atap aıtqanda, jýyrda ǵana Reseı premer-lıgasyna aýysqan qorǵaýshy Lev Skvorsov («Hımkı»), Belarýs chempıonatyndaǵy «Belshına» komandasy sapynda eki maýsym oınap, bıyl «Tobyl» quramyn tolyqtyrǵan jartylaı qorǵaýshy Islam Chesnokov, bıyldan bastap «Astana» klýbynyń negizgi quramynda jasyl alańǵa shyǵyp júrgen shabýylshy Vladıslav Prokopenko ulttyq quramanyń jıynyna shaqyrtý aldy.

Magomed Adıevtiń keńeıtilgen jalpy tizimine myna fýtbolshylar endi:

Qaqpashylar: Igor Shaskıı («Shahter»), Bekhan Shaızada («Ordabasy»), Danıl Ýstımenko («Qaırat»), Stas Pokatılov («Aqtóbe»);

Qorǵaýshylar: Sergeı Malyı, Temirlan Erlanov, Ǵafýrjan Súıimbaev («Ordabasy»), Aleksandr Marochkın, Baǵdat Qaıyrov (ekeýi de – «Tobyl»), Nuraly Álip («Zenıt», Reseı), Abzal Beısebekov, Mıhaıl Gabyshev, Tımýr Dosmaǵambetov (barlyǵy – «Astana»), Talǵat Kýsıapov («Kaspıı»), Marat Bystrov («Ahmat», Reseı), Iаn Vorogovskıı («Molenbek», Belgııa), Lev Skvorsov («Hımkı», Reseı);

Jartylaı qorǵaýshylar: Ashat Taǵybergen, Baýyrjan Islamhan, Elhan Astanov («Ordabasy»), Baqtıer Zaınýtdınov (SSKA, Reseı), Ramazan Orazov («Aqsý»), Islambek Qýat, Aslan Darabaev, («Astana»), Maksım Samorodov, Arman Keńesov («Aqtóbe»), Islam Chesnokov («Tobyl»);

Shabýylshylar: Abat Aıymbetov, Vladıslav Prokopenko (ekeýi de – «Astana»), Artýr Shýshenachev («Qaırat»), Abylaıhan Jumabek («Aqtóbe»), Aıbar Jaqsylyqov («Ordabasy»).

Quramanyń oqý-jattyǵý jıyny 16 naýryzda bastalady. 23 naýryzda Slovenııamen ótetin match elorda ýaqytymen 21:00-de bastalady. Úsh kúnnen keıin Danııamen bolatyn kezdesýdiń ýaqyty 19:00-ge josparlanǵan. Eki match ta «Astana Arena» stadıonynda ótedi.