Nárestege jasalǵan shuǵyl operasııa

Buǵan deıin de birneshe márte sá­bı­lerge kúrdeli operasııa jasaǵan dári­gerler bul joly úsh aılyq ná­res­tege ómir syılaý úshin aıanyp qalǵan joq. Gıppokrat antyna berik azamattar sábıdiń ata-anasymen kelise otyryp, sábıdi tolyq tekserdi.

Mıdyń qalypty damýyna kedergi keltiretin bas súıeginiń týabitti assımetrııasy bar perishteniń jaǵdaıy máz emestigi anyq. Oblystyq kóp­sala­ly balalar aýrýhanasynyń neıro­hırýrgterine úsh aılyq sábıdiń ata-anasy shaǵymdanǵannan keıin perishte­niń jaǵdaıy aýyr ekenin dárigerler de túsingen.

Ábigerge túsken dárigerler sábı­diń jaǵdaıyn tolyqtaı tekserdi. Nátı­jesinde, aspaptyq dıagnostıkadan keıin, sonyń ishinde mıǵa ja­salǵan KT-dan soń dárigerler balaǵa sagıttaldy kranıosınostoz dıagnozyn qoıǵan. Bul – bir nemese birneshe bas súıek tigisteri merziminen buryn ósip, bas súıeginiń deformasııala­nýyna jáne mıdyń qalypty damýy­na kedergi keltiretin aýrý. Dárigerlerdiń aıtýynsha, mun­daı dıagnoz myń balanyń birine ǵana qoıy­lady eken. Sondyqtan da muny sırek kezdesetin jaǵdaı deýge de bolady.

Derttiń kúrdeliligin eskere otyryp, balany operasııaǵa muqııat daıyn­daǵan soń neırohırýrgter Saıat Jumabaev, Mırdas Mýradov, Mır­saıd Baımatov jáne reanımatolog Ravshan Pýlatovtyń qatysýymen endoskopııalyq patch – kranıotomııa jasaldy.

Neırohırýrgııa bólimshesiniń meńgerýshisi Saıat Jumabaevtyń aıtýynsha, kranıostenozǵa arnalǵan endoskopııalyq rekonstrýktıvti operasııalar alty aıǵa deıingi balalarǵa jasalady eken. Ol mundaı kishkentaı balaǵa operasııa jasaý óte mańyzdy dep esepteıdi. Sondyqtan dárigerler endoskopııany qoldanǵan.

«Bul – arnaıy pedıatrııalyq neıroendoskoptardy, basqa da endosko­pııalyq quraldardyń zaqymdanýyn boldyrmaıtyn arnaıy konstrýksııa­ly bor men joǵary jyldamdyqty burǵylardy qoldana otyryp shamamen 3 saǵatqa sozylatyn kúrdeli operasııa. Dárigerler mundaı ope­rasııaǵa tyńǵylyqty daıyndalady. Barlyq manıpýlıasııa 4-5 santımetrden aspaıtyn kesý jolymen beınebaqylaý arqyly júzege asyrylatynyn aıta ketken jón. Mundaı operasııalar az qan joǵaltýmen jáne qysqa merzimdi ońaltý kezeńimen sıpattalady. Operasııadan soń jáne baqylaý kompıýterlik tomografııasynan keıin 3-4 kún ótken soń balalar stasıonardan shyǵarylady», deıdi S.Jumabaev.

Qazirgi ýaqytta náresteniń jaǵ­da­ıy jaqsarǵan. Dárigerlerdiń sózine sen­sek, basyndaǵy shaǵyn tyrtyqtar kóp uza­maı múlde kórinbeı qalady eken.

Jambyl oblysy