Brazılııada ótip jatqan álem chempıonaty bel ortasyna da jaqyndap qaldy.
Qazir komandalar úshinshi týrdyń sońǵy oıyndaryn ótkizip jatyr. Bul týr keıbir quramalar úshin ne bel ketetin, ne belbeý ketetin týr bolyp tur. Ásirese, úshinshi týrdaǵy matchtar Eýropa elderi úshin eń jaýapty bolyp sanalady.
Seısenbi kúni Eýropanyń eń myqty degen taǵy bir quramasy osy synnan súrinip, 1/8 fınalǵa óte almady. «D» tobynda Ýrýgvaı Italııany 1:0 esebimen jeńip, kelesi aınalymǵa shyǵarmaı tastady. Bul kezdesýde 81-shi mınýtta Dıego Godınniń soqqan doby Italııanyń úmitin úzdi. О́ıtkeni, Appenın túbegi eli qarsylasymen teń oınasa, jarysty jalǵastyrýǵa múmkindigi bar edi.
Osy toptaǵy Kosta-Rıka men Anglııa quramalarynyń arasynda ótken oıyn teń eseppen aıaqtaldy. Tumandy Albıonnyń komandasy sońǵy týrdyń nátıjesine qaramaı-aq Ispanııa men Italııa quramalary sııaqty álem chempıonatymen buǵan deıin-aq qoshtasqan bolatyn.
Osy kúni «S» tobynda Kolýmbııa Japonııany 4:1 esebimen, al Grekııa Kot’d Ivýar komandasyn 2:1 esebimen jeńip, 1/8 fınalǵa shyqty. Osy arada Grekııanyń 1/8 fınalǵa alǵash ret shyǵyp otyrǵanyn atap kórsetken jón. Endi pleı-offta Kolýmbııa Ýrýgvaımen, Kosta-Rıka Grekııamen kezdesedi. Osy oıyndarda Kolýmbııa men Kosta-Rıka jeńse, alǵash ret shırek fınalǵa shyǵady. Grekııa quramasy týraly da osyny aıtýǵa bolady.
Keshe keshkisin Argentına Nıgerııamen, Iran Bosnııa jáne Gersegovınamen, Gondýras Shveısarııamen, Ekvador Fransııamen kezdesti.
