Músháıra márege jetti

Elordada Astana qalasy ákim­digi qala kúniniń qurmetine osy­men tórtinshi ret ótkizip otyr­ǵan dástúrli músháıra óz máre­sine jetti. Bıylǵy «Máńgilik El – ult muraty» aıdarymen ja­rııalanǵan jyr báıgesine elimiz­diń túkpir-túkpirinen, Qytaı Halyq Respýblıkasynan, Moń­ǵolııadan 60-tan astam aqynnyń shyǵarmalary kelip túsken edi. Máńgilik El taqyryby – otan­shyl­dyq, ulttyq rýhtyń mereıin asyratyn, eldikke, birlikke úndeıtin, jas urpaqtyń jigerin janyp, namysyn qaıraıtyn, týǵan el men týǵan tilge degen súıispenshiligin oıatatyn tuǵyrly da ǵumyrly taqy­ryp. Báıgede baǵyn synaǵan aqyn­dardyń berilgen taqyrypty tereń­nen qozǵap, keńinen qamtyp jyr­laýǵa baryn salǵandyǵy baı­qalady. Ásirese, bıylǵy músháı­rada Elbasynyń Máńgilik El ult­tyq ıdeıasyna belsene ún qos­qan­ Arman Sherızatov, Aqsúırik Iz­­­muqanova sekildi jańa esim – jas aqyn­dar qatarynyń kóp bolýy qýan­tady. Sondaı-aq, qaraǵandylyq Ab­zal Bóken, Ilııas Muqaev, jez­qaz­ǵandyq Kenjebaı Ahmetov, almatylyq Rafael Nııazbekov, astanalyq Talǵat Eshenuly sııaqty tanymal aqyndar da óz bıikterinen kórine bildi. Jalpy alǵanda, el táýelsizdigin, ult bola­shaǵyn, halqymyzdyń azattyq jolyndaǵy erlik tarıhyn, jańa zamannyń jarqyn kelbetin óleń­men órnektep, Elbasymyz óz qo­lymen ornatqan Astananyń jyr-­shejiresin jasaýdy maqsat et­ken músháıra dittegen jerine jetti. Akademık, Eýrazııa ulttyq ýnıversıteti fılologııa kafe­dra­synyń meńgerýshisi  Seıit Qas­­­qabasov tóraǵalyq etken, qura­myn­da jazýshy, Memlekettik syı­lyq­tyń laýreaty Qoıshyǵara Sal­ǵarauly, aqyn, Memlekettik syı­lyqtyń laýreaty Nesipbek Aıt­uly, halyqaralyq «Alash» syı­lyǵynyń ıegeri Serik Aq­suń­qaruly, aqyn, «Tumar» jýr­naly­nyń bas redaktory Ońaıgúl Tur­jan bar qazylar alqasy músháı­raǵa túsken shyǵarmalardy muqııat oqyp, saraptap, saralap, aqyldasa kele tómendegideı sheshim shyǵardy: Bas júlde – temir tulpardy semeılik jas aqyn Arman Sherı­zatov taqymyna basty. Birinshi oryndy (1 mıllıon 500 myń teńge) almatylyq talantty qyzymyz Aqsúırik Izmuqanova qanjyǵasyna baılady. Eki ekinshi oryndy (800 myń teńgeden) qaraǵandylyq  qos aqyn – Abzal Bóken men Ilııas Muqaev ıelendi. Úshinshi orynǵa tigilgen úsh júldeni (400 myń teńgeden) halyqaralyq «Alash» syılyǵynyń ıegeri, almatylyq Rafael Nııazbekov, jezqazǵandyq  Kenjebaı Ahmetov jáne astanalyq Talǵat Eshenuly ózara bólisti. Bes yntalandyrý syılyǵyn (150 myń teńgeden) mońǵolııalyq qart aqyn Shynaı Rahmetuly, almatylyq Batyq Májıtuly, Qytaı Halyq Respýblıkasynyń azamaty Serik Túsiphanuly, aqtóbelik Baltabek Nurǵalıev, aıagózdik jas talapker Birjan Ahmer enshiledi. Sondaı-aq, Eýrazııa ulttyq ýnıversıtetiniń rektory Erlan Sydyqov, Astana qalalyq til basqarmasynyń bastyǵy Erbol Tileshev,  elordadaǵy «Folıant» baspasynyń dırektory Nurlan Isabekov taǵaıyndaǵan úsh arnaıy syılyq (100 myń teńgeden) astanalyq Baqytjan Tobaıaqovqa, shymkenttik Jarylqasyn Bo­ranbaevqa, aqtóbelik Gúljaınar Qaldınaǵa buıyrdy. Júlde alǵan jáne músháıra qorjynyna kelip túsken shyǵar­malardyń tańdaýlylary jyl aıaǵyna deıin jeke kitap bolyp basylady. Marapattaý rásimi Astanadaǵy «Kongress-holl» saraıynda 1 shilde kúni keshki 18.00 saǵatta óner juldyzdarynyń qatysýymen ótedi. Serikhan Sabyrbekov, S.Seıfýllın murajaıy dırektorynyń orynbasary, qazylar alqasynyń jaýapty hatshysy. Astana.