«Aldaǵy parlamenttik saılaýdy baqylaý úshin Eýropadaǵy qaýipsizdik jáne yntymaqtastyq uıymynan Qazaqstanǵa 400-ge jýyq baıqaýshy keledi. Bul halyqaralyq baqylaýshylardyń eń úlken mıssııasy bolmaq. О́tken aptada EQYU Mıssııasynyń aralyq esebi jarııalanyp, halyqaralyq sarapshylar Qazaqstanda júzege asyrylyp jatqan saılaý júıesiniń reformasyna oń baǵa berdi», dedi R.Vasılenko.
Onyń aıtýynsha, Qazaqstandaǵy saılaýǵa EQYU-dan birqatar joǵary laýazymdy tulǵalar keledi. Atap aıtqanda, EQYU/DIAQB baqylaýshylar mıssııasyn ırlandııalyq saıasatker Oýen Merfı basqarady. EQYU tarapynan mundaı nazar Qazaqstannyń osy uıymmen belsendi jáne maqsatty jumysynyń jaqsy nátıjesi ekendigin kórsetedi.
Sondaı-aq spıker EQYU-nyń Qazaqstandaǵy saılaýǵa nazar aýdarýy Prezıdent Qasym-Jomart Toqaevtyń bastamasymen jáne júzege asyrylyp jatqan Qazaqstandaǵy aýqymdy reformalarǵa halyqaralyq qoǵamdastyqtyń zor qyzyǵýshylyq pen qoldaýdyń dáleli ekenin atap ótti.
