Qazaqstanda barlyq etnostardyń damýyna qolaıly jaǵdaı jasalǵan

Keshe Syrtqy ister mınıstri Erlan Ydyrysov Qazaqstanǵa resmı saparmen kelgen Eýropadaǵy qaýipsizdik jáne yntymaqtastyq uıymynyń (EQYU) Az ulttar isteri jónindegi Joǵarǵy komıssary Astrıd Týrspen kezdesý ótkizdi, dep habarlady QR SIM-iniń baspasóz qyzmeti. Suhbattasýshylar Qazaq­stannyń EQYU-men jáne onyń Jo­ǵar­ǵy komıssar Keńsesimen (AUJK) yntymaqtastyǵynyń ta­rıhy berik qalanǵanyn jáne kóptegen bi­rikken jumystar sátti atqarylǵanyn atap kórsetti. Suhbat barysynda Qazaqstan Úkimetiniń ultaralyq jáne konfessııaaralyq kelisim men et­nostyq toptar quqyqtaryn qor­ǵaý boıynsha júrgizgen saıasaty ha­lyqaralyq deńgeıde joǵary baǵalanatyny atap ótildi. E.Ydyrysov suhbattasyn Qa­zaqstan aýmaǵynda 120-dan astam ult jáne 30-dan astam dinı konfessııa ókilderi tura­tyn­dyǵy jaı­ynda habardar etti. Ol Joǵar­ǵy komıssar Keń­sesin etnos­aralyq qatynastar da­mýy­nyń máselelerin eń joǵary deń­geıde sheshýge múmkindik týǵyzatyn Qazaqstan halqy As­sambleıasynyń áleýetin barynsha paıdalanýǵa shaqyrdy. Qazaqstanda barlyq etnostyq toptardyń damýyna, etno-baǵyt­talǵan uıymdardyń erkin ju­mys isteýine, etnostardyń tilin, dástúrleri men mádenıetin saq­taýǵa barynsha ońdy jaǵdaı jasalǵany atalyp ótti. QR SIM basshysy etnos­ara­lyq jáne dinaralyq kelisim máse­leleri Qazaqstan úshin stra­te­gııalyq mańyzǵa ıe ekenin,  eldi me­kendeıtin túrli ulttar arasyn­da ózara syılastyq aýanyn  saqtaý sharty oryndalǵanda ǵana gúldengen, erkin qoǵam qu­rýǵa jáne «Qazaqstan-2050» Strategııasynyń maqsattaryn oryndaýǵa bolatynyn atap kórsetti. EQYU-nyń Az ulttar iste­ri jónindegi Joǵarǵy komıs­sarynyń pikirinshe, Qazaqstan­nyń áleýmettik-ekonomıkalyq jetis­tikteri eldegi ultaralyq beıbitshilik pen konfessııaaralyq kelisimniń arqasynda múmkin bolyp otyr. Kezdesý barysynda suh­bat­tastar 2013 jylǵy sáýirde Alma­tyda qabyldanǵan AUJK Ortalyq Azııa bilim berý baǵ­dar­­lamasy Is-áreketter jospa­rynyń júzege asyrylý bary­syn talqylady. Osyǵan oraı, E.Ydyrysov Qazaq­stan úshin etnostyq toptar­dyń erek­shelikterin saq­taýǵa baǵyt­tal­­ǵan jumys qyzy­ǵý­shylyq týdy­ratynyn aıta kelip, az ult­tar shoǵyrlanǵan jerlerde etnostardyń tilderinde bi­lim beretin mektepter jumys isteı­tinin jetkizdi.