TAPSYRMA:
Qazaqstan Respýblıkasy Prezıdentiniń prezıdenttik ókilettikterdi atqarý merziminde saıası partııaǵa músheligin toqtatý mindetin zańnamada bekitý; Qazaqstan Respýblıkasy Prezıdentiniń jaqyn týystarynyń memlekettik saıası qyzmetshiler laýazymdary men kvazımemlekettik sektor basshylary laýazymdaryn atqarýyna tyıym salýdy zańnamada bekitý.
ORYNDALDY:
2022 jyly 8 maýsymda tıisti Zań qabyldandy.
43-baptyń 3-tarmaǵy. Qazaqstan Respýblıkasynyń Prezıdenti óz ókilettikterin júzege asyrý kezeńinde saıası partııada bolmaýǵa tıis.
43-baptyń 4-tarmaǵy. Qazaqstan Respýblıkasy Prezıdentiniń jaqyn týystary memlekettik saıası qyzmetshilerdiń, kvazımemlekettik sektor sýbektileri basshylarynyń qyzmetterin atqarýǵa haqysy joq.
TAPSYRMA:
Majorıtarlyq júıe boıynsha saılanǵan depýtattar úshin ımperatıvti mandat engize otyryp, azamattarǵa saılaný múmkindigin beretin aralas saılaý júıesine kóshý: Qazaqstan Respýblıkasy Parlamentiniń Májilisine depýtattardyń 30 paıyzy - majorıtarlyq júıe boıynsha, 70 paıyzy - partııalyq tizimder boıynsha.
ORYNDALDY
2022 jyly 8 maýsymda tıisti Zań qabyldandy.
50-baptyń 3-tarmaǵy. Májilis konstıtýsııalyq zańda belgilengen tártippen aralas saılaý júıesi boıynsha: birtutas jalpyulttyq saılaý okrýginiń aýmaǵy boıynsha proporsıonaldy ókildik etý júıesi boıynsha, sondaı-aq birmandattyq aýmaqtyq saılaý okrýgteri boıynsha saılanatyn toqsan segiz depýtattan turady.
