Mańǵystaý oblysynda birden 13 qylmystyq is qozǵaldy

AQTAÝ. 26 maýsym. Mańǵystaý oblysyndaǵy kedendik baqylaý departamentiniń  kontrabandaǵa qarsy kúres basqarmasy oblystyq qarjy polısııasymen  birlese otyryp shuǵyl-izdestirý sharalaryn júrgizý kezinde Keden odaǵy aýmaǵyna  ókildik synybyndaǵy 13 avtokólik ákelingeni týraly derekterdi anyqtady. Bul týraly egemen.kz tilshisi habarlady. Atalǵan departamenttiń baspasóz qyzmetiniń habarlaýynsha, árbir avtokóliktiń Belarýs Respýblıkasynyń memlekettik avtoınspeksııasy bergen qujattary bolǵan, sonyń negizinde Mańǵystaý oblysy boıynsha ishki ister departamentine ýaqytsha esepke qoıylǵan. Biraq tekserý sharalary barysynda atalǵan avtokólikterge Keden odaǵy elderinde kedendik resimdeý júrgizilmegen bolyp shyqty. Memleketke tólenbegen kedendik tólemderdiń jalpy somasy 84,3 mln.teńgeni quraıdy eken. Qazirgi tańda osy derekterge sáıkes, Qylmystyq kodekstiń 209-babynyń 1-tarmaǵy boıynsha qatarynan 13 is qozǵaldy. Qazir osyǵan baılanysty tergeý amaldary júrgizilýde. Gúlaıym Shyntemirqyzy. Derekkóz: egemen.kz. Foto: serke.org.