Búgin qordyń 15 jyldyǵyna oraı jáne «Kórisý» merekesiniń birinshi kúni ónerkásiptik qaýipsizdik salasynyń jas mamandary Mańǵystaý oblysy Jańaózen óńirindegi 21 oıyn alańynyń alǵashqy úsheýiniń ashylý saltanatynyń qurmetti qonaǵy boldy.
О́tken jyly «Samuryq-Qazyna» AQ kompanııalar toby atynan «Samruk-Kazyna Trust» qaıyrymdylyq qory Jańaózen qalasy men Jetibaı aýylynda jańa ári qaýipsiz, qazirgi zamanǵa saı fýtbol, basketbol, voleıbol jáne basqa da sport túrlerine arnalǵan balalar alańdarynyń qurylysyn bastaǵan edi. Búginde qurylys jumystary aıaqtalyp, alǵashqylary Jańaózen qalasynda iske qosyldy.
Bul jańalyq jańaózendik balalardy ǵana emes, eresek turǵyndardy da zor qýanyshqa bóledi. Kólemi 1200 sharshy metrge deıingi oıyn alańdary sapa jaǵynan barlyq talaptarǵa saı keledi ári ornalasqan aýmaǵynyń ınfraqurylymyna kórik berip tur.
- «Samuryq-Qazyna» ulttyq ál-aýqat qorynyń qarjylandyrýymen salynyp, paıdalanýǵa berilip otyrǵan nysan jastar men balalary úshin bos ýaqytyn tıimdi ári paıdaly ótkizip, densaýlyǵyn shynyqtyratyn taptyrmas oryn bolmaq. Turǵyndardyń atynan úlken alǵysymyzdy bildiremiz. Endi osy jerdi árkim, ásirese ata-analar jaǵy kóziniń qarashyǵyndaı kútip ustasa eken, - dedi jańaózendik qoǵam belsendisi, ÚEU ókili Rýhııa Qaldybaı.
- «Samuryq-Qazyna» qory uıymdastyrǵan sharaǵa qatysýshy jastar ókili retinde «Samruk-Kazyna Trust» ashqan tamasha alańǵa kýá bolyp, munaıshy jastar atynan alǵys aıtamyz, - dedi «QazMunaıGaz» UK» AQ qarasty «Oil Services Company» JShS qyzmetkeri Ádilet Mútáli.
Naýryz aıynyń sońyna deıin árqaısynyń aýmaǵy 400-den 1200 sharshy metrge deıingi taǵy da 18 (barlyǵy Jetibaı aýylynda 6, Jańaózen qalasynda 15) sport alańy qoldanysqa tapsyrylady. Atalmysh jobaǵa barsha Qor kompanııalar toby atynan «Samruk-Kazyna Trust» korporatıvtik qory arqyly 1 mllrd teńgeden astam qarajat bólindi.
- «Samuryq-Qazyna» qory úshin qaıyrymdylyq kómek kórsetý kezinde jobalardyń júıeliligi jáne kompanııalar tobynyń kásiporyndary bar óńirlerdi qamtý, turǵyndardyń ál-aýqatyn jaqsartý mańyzdy bolyp tabylady. Búginde tusaýy kesilip jatqan jáne naýryz aıynyń sońyna deıin beriletin sport alańdary tutas qoǵam ıgiligine jaraıdy degen senimdemiz, - dep atap ótti «Samuryq-Qazyna» qorynyń basqarýshy dırektory Ǵıbrat Aýǵanov.
Jańa alańdardyń tusaýkeser rásimine qala turǵyndary, qoǵam belsendileri jáne jergilikti júıequraýshy munaı salasy kásiporyndarynyń ókilderi qatysty.
- «Samuryq-Qazyna» AQ kompanııalar toby atynan qaıyrymdylyqtyń biryńǵaı operatory «Samruk-Kazyna Trust» qory Jańaózen qalasynda kóptegen áleýmettik máselelerdi sheshýde qoldaý kórsetip keledi. О́tken jyly jańaózendik mektepterdi jańa partalar jıyntyǵymen jáne ınteraktıvti taqtalarmen jabdyqtaýǵa, ońaltý ortalyǵynyń, beıimdelgen sport seksııalary men kesheniniń ashylýyna kómektesti. Bul qalanyń damýyna jáne balalarymyzdyń bolashaǵyna qosylǵan baǵa jetpes úlken úles. Ári qaraı da yntymaqtastyǵymyz turaqty jáne tabysty bolady dep úmittenemiz, - dedi óz sózinde Jańaózen qalasy ákiminiń orynbasary Jańabaı Aımaǵanbetov.
Osylaısha, aqpan aıynda bastalǵan «Samruk-Kazyna Trust» áleýmettik jobalardy damytý qorynyń «Yntymaq» jobasy elimizdiń batysynda jalǵasyn tapty. Joba Qordyń eńbek ujymdaryn «Samruk-Kazyna Trust» biryńǵaı operatory kompanııalar tobynyń atynan júzege asyratyn qaıyrymdylyq qyzmetimen birtindep tanystyrýǵa baǵyttalǵan.
2022 jyly «Samruk-Kazyna Trust» qory arqyly bir ǵana Mańǵystaý óńirinde 1,8 mlrd teńge somaǵa 8 áleýmettik joba júzege asyryldy.
