Áıelderdiń zeınetke shyǵý jasy qańtar aıynda 61 jas bolyp bekitilgen.
«2018 jyldan bastap zańǵa ózgerister engizilgen. Búginde ol áıelder 58 jastan asyp ketti. Qazir olardyń sany 500 myńnan asty. Eger biz normany qaıtarsaq, onda sol azamattardyń báriniń zeınetaqysyn qaıta esepteýimiz kerek. Qaıta esepteý zeınetaqy mólsheriniń kóbeıýine emes, kerisinshe, azaıýyna alyp keledi. Osyndaı táýekel bolmas úshin zeınet jasyn 61 jas durys dep toqtaldyq», dedi Tamara Dúısenova.
Al ózgerister tek 5 jyldan keıin bolýy múmkin.
Endi aldaǵy 5 jyl ishinde jalpy azamattardyń zeınetke shyǵý jasy ómir súrý uzaqtyǵy men zeınetaqynyń deńgeıine baılanysty bolady. Sondyqtan aldaǵy 5 jylda densaýlyq saqtaý salasynda úlken ulttyq joba júrgizilgeli jatyr. Onyń negizgi maqsaty – aýyldarda medısınany jaqsartý, kópsalaly aýrýhanalardy kóbeıtý ıaǵnı mamandandyrylǵan medısınalyq kómekti azamattarǵa jetkizý, telemedısına, erte skrınıng sııaqty máselelerdi qarastyrý. Osy jumystardyń nátıjesinde er adamdar men áıelderdiń ómir súrý jasy uzarsa, onda 2029 jyldan keıin (zeınet jasyn ulǵaıtý máselesi – avt.) qaıta qaralady. Eger jaǵdaı dál osylaı qalyp, kerisinshe (ómir súrý jasy) tómendese, árıne, másele qarastyrylady», dedi mınıstr.
