Iosıkadzý Hıgasıtanıdi senattaǵy áriptesteri jumysqa shyqpaǵany úshin depýtattyq mandatynan aıyrýdy talap etti. Ol osy qyzmetke saılanǵannan beri Parlament otyrystarynyń bireýine de qatyspaǵan. Parlamenttiń Tártiptik komıteti onyń depýtattyq mártebesin alyp tastady.
Saılaýshylar Hıgasıtanıdi ótken jyly shildede joǵarǵy palataǵa depýtat etip saılaǵan. Ol kópshilikke YouTube jelisinde GaaSyy degen atpen tanymal.
«Jumysqa kelmeıtin depýtat» degen laqap atqa ıe bolǵan azamat Birikken Arab Ámirlikterinde turady.
Japondyq BAQ-tyń habarlaýynsha, ol osy ýaqytqa deıin Parlamentke barýdan bas tartqan. Ol Seıdjıka-djoshı-48 oppozısııalyq partııasynan saılanǵan eki depýtattyń biri bolǵan.
О́tken aptada parlament ókilderi Iosıkadzý Hıgasıtanıden kópshilikten keshirim suraýyn talap etip, bul oǵan sońǵy múmkindik bolatynyn eskertken. Biraq Iosıkadzý Hıgasıtanı plenarlyq otyrysqa qatysqan joq. Onyń ornyna ol óziniń YouTube arnasynda Túrkııaǵa baratynyn jáne jalaqysyn Túrkııadaǵy jer silkinisinen zardap shekkenderge kómekke berýdi josparlap otyrǵanyn habarlady.
Onyń jumysqa kelmeýi senattyń ashýyn týǵyzdy. Bári biraýyzdan ony ornynan alyp tastaýǵa daýys berdi.
