«Enfılde» «Lıverpýldi» 5:2 esebimen jeńgen Madrıdtiń «Realy» «Santıago Bernabeýde» de óz jankúıerlerin jerge qaratqan joq. Bul básekeniń taǵdyryn 79-mınýtta Karım Benzema soqqan jalǵyz gol sheshti – 1:0. Sol sekildi Neapoldiń «Napolı» klýby da syrt alańda «Aıntrahtan» 2:0 esebimen aılasyn asyrǵan edi. Dıego Armando Maradona atyndaǵy stadıonda olar tipti atoılady. Birinshi kezeńiniń sońǵy sekýndtarynda Vıktor Osımhen esep ashsa, úzilisten keıin dál sol fýtbolshy dýbldiń avtory atandy. 64-mınýtta Petr Zelınskı 11 metrlik núkteden nysanany dál kózdedi – 3:0. Esterińizge sala keteıik, buǵan deıin «Chelsı» men «Manchester Sıtı» (Anglııa), «Benfıka» (Portýgalııa) men «Mılan» jáne «Inter» (Italııa) men «Bavarııa» (Germanııa) shırek fınalǵa joldama alǵan edi.
Al Qazaqstan chempıonatynda úshinshi týr óz máresine jetti. Sońǵy eki kezdesýde qonaqtar basym tústi. Atap aıtsaq, «Atyraý» «Maqtaaraldy», al «Qyzyljar» «Oqjetpesti» jeńdi. Bul matchtardyń ekeýinde de 0:1 esebi tirkeldi.
