Júregi qazaq dep soqqan Reseıdegi qandasymyzdyń qazaqtyń mańdaıǵa bitken juldyzy Dımash Qudaıbergenge arnap «Dımashtyń Baıjumasy» atty kúı shyǵardy, dep habarlaıdy Egemen.kz.
Ǵasyrdan ǵasyrǵa ulasyp kele jatqan kúı óneriniń orny erekshe. Ándi tamyljyta sózben jetkizetin qazaq, dombyranyń pernesimen kúıdi tógetin de qazaq.
Zaman talabyna saı kúıleri de bar. Ár kezeńniń óz úni, óz ereksheligi de bar. Búgin áńgimemizge arqaý bolyp otyrǵan ol, júregi qazaq dep soqqan Reseıdegi qandasymyzdyń qazaqtyń mańdaıǵa bitken juldyzy Dımash Qudaıbergenge arnap shyǵarǵan kúıi «Dımashtyń Baıjumasy» bolyp otyr.
Kúıdiń avtory - Reseıdiń Altaı ólkesindegi Qosaǵash aýdanyndaǵy qandasymyz Janaıdar Nursalıev. Kúıdi oryndaýshy onyń uly - 12 jastaǵy Nurdáýlet Nursalıev.
«Jalpy ár kúıdi bir tulǵaǵa arnaǵanda Baıjuma degen tirkes bolǵan. Qurmanǵazynyń Baıjumasy, Dınanyń Baıjumasy degen. Sondyqtan da kúıdi »Dımashtyń Baıjumasy» dep atadym.
18 ǵasyrdyń aıaǵy men 19 ǵasyrdyń basynda Baıjuma atty kúıshi ómir súrgen. Bizge jetken týyndysy «Qart Baıjuma» kúıi. Baıjumanyń osy shyǵarmasyn kúıdiń erekshe túri retinde túsinip, soǵan eliktegen kúıshiler Qurmanǵazy, Dáýletkereı, Túrkesh, Dına, Naýsha, Orynshalar óz Baıjumalaryn shyǵarǵan», deıdi altaılyq avtor.
Janaıdar Nursalıev qazirgi tańda Qosaǵashta dombyra mektebinde sabaq beredi. RF, Altaı Respýblıkasynyń eńbek sińirgen ártisi, birneshe ánder men kúılerdiń avtory. 2022 jyly Otandastar qorynyń Taraz qalasynda uıymdastyrǵan sheteldegi daryndy qandas ónerpazdarǵa arnalǵan «Qasıetti Qazaq eli» shyǵarmashylyq festıval saıysynyń kúı nomınasııasy boıynsha júldegeri.
«Shyǵarmamdy ózime dáris bergen ustazym Orynbaı Dúısenovke jiberdim. Tyńdap oń baǵasyn berdi. Qazaq eline de unaıdy degen oıdamyn. Júrekten shyqqan kúı júrekke jetedi degen senimdemin. Osy oraıda, eki araǵa dáneker bolyp, ónerimizge kóńil bólip, qoldap júretin atajurtymyz Qazaqstanǵa, sonymen qatar «Otandastar qoryna» alǵysymyz sheksiz», deıdi Janaıdar.
Dımashqa vıdeo sálemdeme joldaǵan Nurdáýlet bolsa, Reseıdegi «Belyı Parohod» fondynyń solısti. Ánshi,ári kúıshi. Esterińizge sala ketsek, jýyrda Astanada «Euro Stars» III Halyqaralyq óner baıqaýynda gran-prıdi jeńip alǵan bolatyn.
Astanada paralımpıadalyq bochchadan el chempıonaty bastaldy
Sport • Búgin, 21:00
Qazaqstannyń úsh óńirinde bes ońaltý ortalyǵy ashyldy
Medısına • Búgin, 20:30
Elordalyq saıabaqta búldirshinderge arnalǵan merekelik is-shara ótti
Elorda • Búgin, 20:00
«Ustazy jaqsynyń ustamy jaqsy»
Bilim • Búgin, 19:47
Memleket basshysy Rejep Taııp Erdoǵandy ulyqtaý rásimine qatysady
Prezıdent • Búgin, 19:13
Vladımır Kım men Edýard Ogaı «Elbasy qorynyń» aksııasyn satyp aldy
Qoǵam • Búgin, 18:50
Uqsas jańalyqtar
Onlaın 
