«О́ńirde 269 saılaý ýchaskesi ashyldy. Onyń ishinde aýrýhanalarda, ýaqytsha ustaý oryndary jáne áskerı bólimderde 11 jabyq ýchaske bar. Barlyq saılaý ýchaskesi materıaldyq-tehnıkalyq jabdyqtarmen qamtamasyz etildi. Múmkindigi shekteýli azamattardyń daýys berýi úshin 54 ınvataksı qyzmeti uıymdastyrylyp otyr. Saılaýda 412 165 saılaýshy daýys beredi», dep habarlady oblystyq aýmaqtyq saılaý komıssııasynan.
Parlament Májilisi men ár deńgeıdegi máslıhattardyń depýtattyǵy úshin 442 kandıdat baq synaıdy. Máselen, Májiliske 11 kandıdat talasyp jatyr. Kandıdattardyń arasynda ár salanyń ókilderi bar. Máselen, Senat pen Májilistiń burynǵy depýtattarynyń mamandyǵy – zańger. Olarmen birge BAQ-tyń ókili de baǵyn synap kóredi.
Saılaýshylar ár deńgeıdegi máslıhattyń 140 depýtatyn tańdaıdy. Oblystyq máslıhattyń partııalyq tiziminde 60, al 15 birmandattyń saılaý okrýgterinde 39 kandıdat tirkelgen. Atyraý qalalyq máslıhatyna 71, sondaı-aq 7 aýdandyq máslıhattyń depýtattyǵy úshin 261 kandıdat saılaýǵa túsip jatyr.
