Keıingi jyldary Qazaqstannyń frıstaıl-mogýlshylary halyqaralyq jarystarda joǵary nátıje kórsetip júrgenin jankúıerler jaqsy biledi. Áıelder arasyndaǵy saıystarda Iýlııa Galysheva 2019 jyly AQSh-tyń Park-Sıtı qalasynda ótken álem birinshiliginde top jarǵan bolsa, 2018 jylǵy Phıonchhan Olımpıadasynda el qorjynyna qola júlde salǵan edi.
Erler básekelerinde de tabysymyz jaman emes. 2015 jyly Granadadaǵy stýdentter saıysynda altynnan alqa taǵyp, byltyr Alataý baýraıyndaǵy álem chempıonatynda qola júlde jeńip alǵan jerlesimiz Pavel Kolmakov kúni keshe Almatydaǵy Álem kýboginde kúmis júlde oljalap, jergilikti jankúıerlerdi qýanyshqa bóledi. Fınaldyq saıysta 78,72 upaı jınaǵan otandasymyz ekinshi orynǵa taban tiredi. Bas júlde Phıonchhan Olımpıadasynyń jeńimpazy kanadalyq Mıkael Kıngsberıdiń (85,67) enshisinde ketse, qola medal álem chempıonatynyń úsh dúrkin kúmis júldegeri aýstralııalyq Mett Gremge buıyrdy.
