Bul aqparatty Mańǵystaý oblystyq polısııa departamentiniń baspasóz qyzmeti rastady. Oqıǵa 5 aqpanda Mańǵystaý oblysyndaǵy aýdandardyń birinde bolǵan. Áıel 16 jáne 12 jastaǵy kámeletke tolmaǵan qyzdardy zorlaý deregi boıynsha polısııaǵa aryzdanǵan.
Tergeý barysynda kúdikti qyzdardyń ata-anasynyń jaqyn dosy ekeni belgili boldy. Er adam 2019 jyldan bastap 4 jyl boıy qyzdardy zorlap kelgen.
Quqyq qorǵaý organdary qyzdardy zorlady degen kúdikke ilingen jergilikti turǵyndy ustaǵan. Er adam óz kinásin moıyndap, keıin polısııa bóliminiń terezesinen sekirip ketken. Birneshe kúnnen keıin ol aýrýhanada qaıtys bolǵan.
«Bul derek QR Qylmystyq kodeksiniń 120-baby 4-bóligi (Birneshe ret zorlaý) boıynsha sotaldy tergep-tekserýdiń biryńǵaı tizilimine tirkeldi. Tıis saraptamalar taǵaıyndaldy. Tergeý amaldary júrgizilip jatyr. Basqa da málimetter jarııa etilmeıdi», dedi polısııa qyzmetkerleri.
