Berekeli istiń bastaýy

Merekelik shara barysynda ulttyq sport túrlerinen jarys­tar uıymdastyryldy. Jastar asyq atyp, arqan tartty. Arys qalasynyń turǵyny Azamat Ma­qulbekov 55 kılo qoshqardy 303 ret kóterip, kópshiliktiń yqylasyna bólendi. Birinshi oryndy ıelengen oǵan ózi kótergen qoshqar syı­ǵa berildi. Sondaı-aq estrada jul­dyz­dary ásem ánder oryndap, kópshi­likke merekelik kóńil kúı syılady.

Túrkistan oblysynyń ákimi Darhan Satybaldy turǵyndardy Naýryz merekesimen quttyqtady. Al oblystyq «Farab» ámbebap ǵy­lymı kitaphanasynda ótken «Nur – Naýryz, Naýryz – dýman» mere­kelik sharasynda qyzdy oń jaqqa shyǵarý dástúrinen kórinis qoıylyp, úlkender bata berdi. Kitaphanashylar qonaqtarǵa Naýryz­dyń dástúrli taǵamy – naý­ryz kóje usynyp, merekelik das­tarhan jaıdy. Naýryzǵa oraılastyrylyp óńir­diń áleýmettik-ekonomıkalyq damýyna yqpal eter is-sharalar da ótkizildi. Mysaly, Túrkistanda «KazAgro/KazFood Turkistan 2023» I halyqaralyq saýda kórmesi uıymdastyrylyp, «AgroForum Turkistan 2023» halyqaralyq forýmy ótti. Oblys ákimi forým­ǵa arnaıy kelgen Qyrǵyz Respýb­lıkasynyń delegasııasymen kez­desip, Naýryz merekesimen qut­tyqtady. Birlese jumys isteýge shaqyrdy.

– El Prezıdenti Qasym-Jomart Toqaev Qyrǵyz Respýblı­kasyna jumys saparynda bir­qa­tar qujatqa qol qoıǵany belgi­li. Sonyń ishinde Túrkistan obly­synyń ákimdigi men Osh oblysy ókiletti ókiliniń apparaty arasyndaǵy yntymaqtastyq týraly memorandým jasalǵan bola­tyn. Túrkistandaǵy halyq­ara­lyq forýmda osy eki oblys arasyndaǵy baılanystardy ny­ǵaı­tý is-sharalary boıynsha jol kartasyna qol qoıyldy. Endi naqty iske kirisý kerek. Aýyl sharýashylyǵy, óndiristi damytý jáne ózge de salalar boıyn­sha birlese jumys atqarýǵa múmkindik bar. Irgedegi baýyrlas ári kórshi elmen áriptestik ornatý eki jaqqa da tıimdi, – dedi Darhan Satybaldy.

Al Qyrǵyz Prezıdentiniń Osh oblysyndaǵy ýákiletti óki­liniń birinshi orynbasary Da­nııar Janyqulov baýyrlas elder­diń tilegi bir ekenin jetkizdi. «Túrkistan qalasy aıryqsha jańa­ryp, qatty ózgergenin kórip qýan­dym. Eń jaqyn memleketpiz. Son­dyqtan sizdermen áriptestik ornatý mańyzdy. Osh oblysynda týrızm, aýyl sharýashylyǵy, balyq sharýashylyǵy, bal sharýashylyǵy jaqsy damyǵan. Qytaımen shekaralas aımaq logıstıkalyq ortalyq retinde de tıimdi baılanys ornata alady», dedi D.Janyqulov.

Agroforýmda Túrkistan ob­lysy ákimdigi men otandyq jáne sheteldik ınvestorlarmen agro­ónerkásiptik keshen salasynda jalpy quny 257 mlrd teńge bolatyn 10 kelisimge qol qoıyldy.

TÚRKISTAN