Jyly lebizder legi

О́zbekstan Prezıdenti Shavkat Mırzıëev quttyqtaý jedel­hatynda ejelden bastaý ala­tyn Naýryz meıramynyń fılo­sofııalyq mán-mazmunynda qazaq pen ózbek halyqtaryna ortaq ádet-ǵuryptar men qundy­lyq­tar kórinis tap­qanyn atap ótip, eki halyq ta bul merekeni zor úmit­pen qarsy alatynyn aıtqan.

«О́zara tatý, kórshiles elder retinde aramyzdaǵy yntymaq­tas­tyq eki halyqtyń múddesine saı damı túsetinine senimdimin. Joǵary deńgeıdegi baılanystar­dy odan ári jandandyryp, stra­tegııalyq seriktestigi­miz ben odaq­­tastyq qarym-qatyna­sy­myz­­dy nyǵaıta túsýge múmkin­di­gi­miz mol», dep jazyl­ǵan jedelhatta.

Qyrǵyzstan Prezıdenti Sadyr Japarov óziniń jedelha­tynda jyl basy sanalatyn ári yntymaq-birlikke shaqyra­tyn Naý­ryz meıramynda baýyrlas qa­zaq halqyna baq-bereke tiledi.

«Osy jyl bizdiń elderimiz úshin damý jyly bolady dep oılaımyn. Ortaq rýhanı qundylyqtar men dostyqqa, sondaı-aq strategııalyq seriktestikke negizdelgen jan-jaqty qarym-qatynasymyz ortaq kúsh-jigerimizdiń arqasynda júıeli túrde damı beretinine senimdimin», – dep jazylǵan jedelhatta.

Tájikstan Prezıdenti Emomalı Rahmon óz quttyqtaýynda Qasym-Jomart Toqaevqa zor densaýlyq, tabys, al baýyrlas Qazaqstan halqyna beıbit ómir men ıgilik tiledi.

«Naýryz meıramynyń myzǵy­mas qundylyqtaryn tý etken elderi­miz strategııalyq seriktestik aıasyn­da dostyq qatynastarymyzdy jáne ózara tıimdi yntymaqtasty­ǵy­myz­dy odan ári nyǵaıta túse­ti­nine senimdimin», – dep jazyl­ǵan Tájik­stan Prezı­denti E.Rahmonnyń qut­tyqtaýynda.

Ázerbaıjan Prezıdenti Ilham Álıev óziniń quttyqtaý jedelhatynda Naýryz halyqtarymyzdyń álemdik mádenıetke qosqan qundy úlesi dep atap ótti.

«Bul mereke – ózara túsinistik, dostyq pen yntymaqtastyqtyń belgisi. Bizdiń halyqtarymyzdyń erkimen qazaq–ázerbaıjan dostyq qarym-qatynasy men serik­testigin saqtaý jáne nyǵaıtý jolynda birles­ken kúsh-jigerimizdi jal­ǵastyramyz dep senemin», – dep jazylǵan jedelhatta.

Sonymen qatar Túrikmenstan Prezıdenti Serdar Berdimuhamedov, Iran Prezıdenti Ibrahım Raısı, Grýzııa Prezıdenti Salome Zýrabısh­vılı jáne TÚRKSOI halyqaralyq uıymynyń bas hatshysy Sultan Raev quttyqtaý jedelhattaryn joldady. Quttyqtaý hattary áli de kelip túsip jatyr.