Festıval alańynda etnoaýyl ornatylyp, elimizdiń túkpir-túkpirinen kelgen qolónershiler sheberlikterin kórsetip, bilimderimen bólisý úshin jınaldy.
Munda siz qoldan jasalǵan buıymdardy tamashalaı alasyz, ulttyq oıý-órnekter men keste, kilem toqý, kıizden jasalǵan kóne toqyma óneri, tipti saýyt jasaý boıynsha biregeı sheberlik sabaqtaryna qatysa alasyz.
Festıvaldiń basty ereksheligi - jasandy ıntellekt kómegimen jasalǵan óner, dızaın, anımasııa zattaryn qamtıtyn Neo Nomad ınnovasııalyq kıiz úıi.
Sonymen qatar EKSPO aýmaǵynda Shyǵys jármeńkesi ashyldy. Munda qonaqtar etnıkalyq stıldegi dızaınerlik kıimderdi, sándi jáne qoldan jasalǵan zergerlik buıymdardy, keramıka, metall, bylǵary jáne jibekten jasalǵan ádemi buıymdardy jáne ulttyq kádesyılardy taba alady. Árkim óz qalaýy boıynsha «Naýryz bazarynda» taýar satyp ala alady.
Oǵan irgeles aýyl sharýashylyǵy jármeńkesi bar, onda taýar óndirýshiler óz ónimderin bazardaǵy baǵadan arzan satady.
