Qazaqstandyq tennısshi alǵashqy aınalymda álemniń 50-raketkasy, amerıkalyq Djeffrı-Djon Výlfpen sheberlik baıqasty.
Amerıkalyq tennısshi 1 saǵat 19 mınýtqa sozylǵan matchta 7:5, 6:3 esebimen jeńiske jetti. Ol 4 eıs jasap, 6 breık-poınttyń tórteýin óz esebine jazdy. Býblık 9 eıs, 2 breıkpen (4 breık-poınt) kózge tústi.
Výlf ekinshi aınalymda álemniń 7-raketkasy, reseılik Andreı Rýblevpen kezdesedi.
Júlde qory 8,8 mln AQSh dollaryna baǵalanǵan doda 2 sáýirde aıaqtalady. О́tken jyly munda álemniń 1-raketkasy, ıspanııalyq Karlos Alkaras úzdik shyqqan edi.
A.Býblık juptyq synda jarys jolyn jalǵastyrady. Ol serbııalyq Mıomır Kesmanovıchpen birge argentınalyqtar Pedro Kachın – Fransısko Cherýndolomen kortqa shyǵady.
Taǵy bir qazaqstandyq Mıhaıl Kýkýshkın Shveısarııanyń Bıl qalasynda ótip jatqan chelendjer jarysynyń ekinshi aınalymynda tartysty matchta slovakııalyq Norbert Gomboshqa jol berdi – 6:7 (2:7), 6:4, 2:6.
