Shahmat • 26 Naýryz, 2023

FIDE prezıdenti Gran-prıge qatysýshylardan keshirim surady

247 ret kórsetildi

Halyqaralyq shahmat federasııasynyń basshysy Arkadıı Dvorkovıch Úndistan Gran-prıi 3-kezeńiniń qatysýshylarynan resmı túrde keshirim surady, dep habarlaıdy Egemen.kz.

FIDE saıtyndaǵy málimet boıynsha, Úndistanǵa barǵan shahmatshylar uıymdastyrýshylardyń qateliginen birqatar keleńsizdikke tap bolǵan. Sol sebepti qazaqstandyq shahmatshy Jansaıa Ábdimálik jarysqa qatysýdan bas tartqan. 11 shahmatshy qalǵandyqtan, týrnır kestesin qaıta jasaýǵa týra kelgen. 

Osy rette A. Dvorkovıch qalǵan 11 qatysýshydan keshirim surap, barlyǵyna hat joldaǵan. Biraq ol tizimde Jansaı Ábdimálik bolmaǵan.

FIDE basshysy Gran-prıdiń úshinshi kezeńin uıymdastyrýdaǵy oqıǵany sheshýge ýáde berdi. FIDE shahmatshylardyń Úndistanǵa kelgen kezdegi qosymsha shyǵyndaryn óteıdi.

Eske salaıyq, buǵan deıin blıs boıynsha eki dúrkin álem chempıony Bıbisara Asaýbaeva shahmatshy Jansaıa Ábdimálikti Delıdegi mańyzdy halyqaralyq týrnırdi tastap ketkeni úshin synǵa alǵan bolatyn.

Uqsas jańalyqtar