Toptyq týrnırde qyzdarymyz jarys qojaıyndary (12:7) men Taıland (16:10) jáne О́zbekstandy (11:9) utty. Odan keıin pleı-off saıysynda Taı eli ókilderimen joldary qaıta qıysty. Bul joly da bizdiń burymdylardyń mereıi ústem boldy. Esep – 13:8. Osy jeńisteriniń arqasynda olar merziminen buryn sary qurlyqtyń teńdessiz komandasy dep tanyldy. Al sońǵy matchta jerlestermiz taǵy da ózbekterdi (12:6) jeńdi.
О́kinishtisi, Qazaqstannyń erler quramasyna jeńis tuǵyrynyń eń bıik satysynan kóriný baqyty buıyrmady. Tusaýkeser kezdesýinde Fılıppınniń (19:6) tas-talqanyn shyǵarǵan jigitterimiz kelesi matchta penaltı soǵý barysynda Iranǵa (10:10, 4:5) ese jiberdi. Úshinshi oıynda Gonkongti (22:7) oısyrata utty. Shırek fınalda Sıngapýrdy (10:7) san soqtyrsa, jartylaı fınalda Qytaıǵa (1:10) jol berdi.
Búgin bizdiń vaterpolshylar Taılandpen qola medal úshin talasady.
