Atalǵan jarystyń basty jekpe-jekteriniń birinde Dáýren Ermekov óner kórsetti. Orta salmaqta kúsh synasyp júrgen 35 jastaǵy qazaq faıteri 2012 jyldan beri osy sport túrin serik etip keledi. Sol aralyqta 21 kezdesý ótkizip, 16 ret jeńiske jetti. 10 qarsylasyn nokaýtqa jiberdi. Ol Samarada Gamzat Hıramagomedovpen aıqasty. 29 jastaǵy Nalchıktiń týmasy 11 básekeniń tek ekeýinde ǵana utylǵan. Jeti jekpe-jekti merziminen buryn aıaqtady. Osyǵan deıin bul sportshylar eki márte kezdesti. 2015 jyly áýesqoılar arasynda ótken týrnırde Gamzat upaı sanymen jeńiske jetse, byltyr jazda Aqtaýda Dáýren ony aıqyn basymdyqpen utty.
Samaradaǵy saıys qandasymyzdyń jeńisimen aıaqtaldy. Básekeniń ekinshi kezeńinde ol Hırmagomedovti «qylqyndyrý» ádisimen jeńdi.
