«Qazgıdromet» RMK málimeti boıynsha, Qazaqstannyń batysynda, soltústiginde, ońtústiginde atmosferalyq frontaldy ýchaskelerdiń ótýimen jaýyn-shashyn kútiledi.
Sınoptıkterdiń habarlaýynsha, respýblıkanyń qalǵan bóliginde joǵary qysymdy alqaptyń áserinen kún jaýyn-shashynsyz ótedi.
Respýblıka boıynsha tuman, jeldiń kúsheıýi saqtalady, ońtústikte naızaǵaı oınap, soltústikte kóktaıǵaq bolady.
«Aldaǵy táýlikte elimizdiń ońtústik-shyǵysyndaǵy jáne shyǵysyndaǵy ózenderdegi, sondaı-aq respýblıkanyń jazyq aýmaǵyndaǵy ózenderinde qardyń qarqyndy erýi, erigen aǵyndy sýlardyń qalyptasýy, muz qubylystarynyń álsireýi jáne sý deńgeıiniń kóterilýi kútiledi», dep habarlady «Qazgıdromet».
Jaýyn-shashynnyń boljamyna baılanysty ońtústik jáne ońtústik-shyǵystaǵy taýly ózenderdegi sý deńgeıi kóterilýi múmkin.
Astanada – kóshpeli bult shyǵady, jaýyn-shashynsyz. Túnde jáne tańerteń tuman. Ońtústik-batystan soǵatyn jel soltústik-shyǵysqa aýysady, túnde 2-7, kúndiz 9-14 m/s. Aýa temperatýrasy túnde shamamen 0°S, kúndiz +12+14°S.
Almatyda – kóshpeli bult shyǵady, jaýyn-shashynsyz. Jel 0-5 m/s. Aýa temperatýrasy túnde +5+7°S, kúndiz +21+23°S.
Shymkentte – kóshpeli bult shyǵady, kúndiz – jańbyr jaýady, naızaǵaı oınaıdy. Ońtústik-shyǵystan ońtústik-batysqa aýysatyn jel 8-13, kúndiz ekpini 15-20 m/s. Aýa temperatýrasy túnde +11+13°S, kúndiz +23+25°S.
