Atalǵan jarys áıgili sport fýnksıoneri Beket Mahmutovty eske túsirýge arnalyp otyr. Kezinde bul azamat Qazaqstan boksyn orasan zor bıikke kóterdi. Sol kisiniń basshylyǵymen otandyq bylǵary qolǵap sheberleri Olımpııa oıyndary men álem chempıonaty, Azııa oıyndary jáne basqa da kóptegen asa iri halyqaralyq dodada jeńis tuǵyryna kóterildi. Keıinnen respýblıkalyq dzıýdo federasııasynyń tizginin ustap, kúrestiń bul túriniń órkendeýine de ólsheýsiz eńbek sińirdi. Osydan úsh jyl buryn ol uzaqqa sozylǵan naýqastan keıin 81 jasqa qaraǵan shaǵynda jaryq dúnıemen qosh aıtysqan edi.
Beket Sapabekulyn eske túsirýge arnalǵan týrnır osymen altynshy márte uıymdastyrylǵaly otyr. Bıylǵy jarysta Qazaqstannan bólek, Grekııa, AQSh, Mońǵolııa, Grýzııa, Gonkong, О́zbekstan, Tájikstan, Túrikmenstan jáne Qyrǵyzstannyń dzıýdoshylary beldesedi dep kútilýde.
