Prezıdent óz sózinde basty reformalardy atap ótti.
«Reformalarymyz «Kúshti Prezıdent – yqpaldy Parlament – esep beretin Úkimet» qaǵıdasyna negizdeldi. Bul qaǵıda – memleketimizdiń basty tiregi», dedi ol.
Sondaı-aq ol reforlamalarǵa sáıkes ótkizilgen saılaý halyqtyń kópten kútken ózgerisi ekenin aıtty.
«Referendýmnan keıin Konstıtýsııanyń jańa talaptaryna saı bılik tarmaqtaryn túgel jańǵyrtýǵa kiristik. Halyqtyń da kópten kútkeni osy edi. Konstıtýsııalyq ózgeristerge sáıkes Prezıdent saılaýy, Senat, Májilis jáne máslıhattar saılaýy ótti», dedi Memleket basshysy.
Budan soń, kúrdeli kezeńdegi tıimdi ózgerister halyqtyń senimin oıatqanyn atap ótti.
«Referendýmdy qosqanda bir jylǵa jýyq ýaqyttyń ishinde óte mańyzdy 5 saıası naýqan ótkizildi. Onyń bári asa kúrdeli kezeńge tuspa-tus keldi. Qanshalyqty kúrdeli bolsa da, biz elimiz úshin óte qajet joldy qysqa merzim ishinde júrip óttik. Qazaqstannyń jańaryp, jańǵyra bastaǵanyna jurttyń kózi jetti», dep qosty Qasym-Jomart Toqaev.
Ári bul jolǵy saılaýdyń ereksheligin aıta kele, saılaýǵa belsendi qatysyp, óz tańdaýyn jasaǵan azamattarǵa alǵysyn bildirdi.
«Keshegi saılaýda partııalarmen qatar kóptegen azamatymyz bir mandatty okrýgten ózin-ózi usyndy. Osylaısha, halqymyz mańyzdy ózgeriske óz úlesin qosýǵa daıyn ekenin dáleldedi. Elimizde jańa azamattyq, saıası mádenıet qalyptasyp jatyr. Men saılaýǵa belsene qatysqan barsha azamatqa alǵys aıtamyn», dedi Prezıdent.
