Saıasat • 29 Naýryz, 2023

Aımaǵambetov qyzmettik páterge qatysty: «Jeke páterim bar, eshqaıda kóshpeımin»

987 ret
kórsetildi
1 mın
oqý úshin

Ashat Aımaǵambetovke depýtattyq páterge qatysty suraq qoıyldy,  dep habarlaıdy Egemen.kz.

Aımaǵambetov qyzmettik páterge qatysty: «Jeke páterim bar, eshqaıda kóshpeımin»

Jýrnalıster oǵan «Depýtat retinde qansha tabys alasyz, depýtattyq páterge úmittisiz be?» degen suraq qoıdy.

29 naýryzda Astanada VIII saılanǵan Qazaqstan Respýblıkasy Parlamentiniń birinshi sessııasynyń ashylýy ótti, oǵan Ashat Aımaǵambetov Májilis depýtaty retinde qatysty.
 
«Úkimet qaýlysy bar. Men árqashan osylaı jaýap beremin, qazir de erekshelik bolmaıdy. Barlyǵy retteledi. Zańda kórsetilgen nárseni oryndaımyz. Páterge keletin bolsaq, men osynda turamyn. Men turatyn turǵyn úı kesheninde jeke páterim bar. Búginde eshqaıda kóshpeımin. Aldyn ala kesip aıtqym kelmeıdi, biraq josparymda joq», dep jaýap berdi Májilis depýtaty Ashat Aımaǵambetov.