12 maıdangerge – 800 myń teńgeden

Ashyq NQA portalynda jarııa­lanǵan Astana qalasy más­lıhatynyń jobasyna sáıkes, 2023 jy­ly Astana qalasynda tirkelgen jáne turaqty turatyn árbir Ekinshi dúnıejúzilik soǵys ardagerine Jeńis kúnine qo­sym­sha 800 myń teńge mólsherinde áleý­mettik kómek kórsetilmek.

«2023 jyly Jeńis kúnin merekeleýge baılanysty Ekin­shi dúnıejúzilik soǵys arda­gerlerine jáne basqa adamdarǵa, atap aıtqanda, Ekinshi dúnıejú­zilik soǵysta qaza tapqan jaýyn­gerlerdiń ekinshi ret nekege tur­maǵan jesirlerine qosymsha áleýmettik kómek kórsetý týraly» joba­ǵa bylaısha túsinikteme berilgen:

«Osy sheshimniń jobasy «Ar­dager­ler týraly» 2020 jyl­­ǵy 6 mamyrdaǵy Qazaqstan Res­pýb­lıkasy Zańynyń 17-babyna sáıkes ázirlendi. Astana qa­lasy máslıhatynyń 2017 jy­l­­­ǵy 12 jeltoqsandaǵy №221/25-­VI sheshimimen bekitil­gen As­ta­na qalasynda áleý­met­­tik kó­mek kórsetý, onyń mól­sher­le­­rin belgileý jáne muqtaj azamattardyń jekelegen sanatta­rynyń tizbesin aıqyndaý qaǵı­dasyna sáıkes, tómen­degi sanat­tarǵa áleýmettik kómek kórse­ti­ledi: Jeńis kúni­ne áleýmettik kómek Ekin­shi dúnıejúzilik so­ǵys arda­gerlerine – 67 aı­lyq eseptik kórsetkish (231 150 teń­ge), basqa adamdarǵa, eńbek ardagerlerine (Ekinshi dúnıe­júzi­lik soǵysta qaza tapqan jaýyn­gerdiń ekinshi ret nekege turma­ǵan jesirine) – 11 aılyq esep­tik kórsetkish (37 950 teńge) mólshe­rinde kórsetiledi».

Ákimdiktiń málimetine súıen­sek, bıyl Jeńis kúnine oraı arda­gerlerge 800 myń teńge, soǵysta qaza tapqan nemese habar-osharsyz ketken jaýyn­ger­lerdiń jesirlerine 30 myń teńge mólsherinde qosymsha áleýmettik kómek berilmek.

Resmı málimetterge kóz jú­girtsek, 2021 jyly elordada 163 soǵys ardageri bolsa, 2022 jyly mundaı sanattaǵy 95 adam tirkelgen. Al 2022 jyly 18 adamǵa 1 005 221 teńgeden berilipti. Astana qalasy Jumys­pen qamtý jáne áleýmettik qor­ǵaý basqarmasynyń deregi bo­ıynsha, bıyl 12 ardager qalǵan.

Osylaısha, Astananyń ataǵy dardaı aqshasyn on eki-aq adam alady. Bylaı qarasaq «aıdaǵanym bes eshki, ysqyryǵyń jer jaradynyń» kebi...

Ekinshi dúnıe­júzi­lik soǵys­ta qaza tapqan jaýyn­ger­ler­­diń ekinshi ret nekege turma­ǵan 1 jesirine 67 950 teńge beril­mek. «Bıýdjettiń qosym­sha shy­­ǵyndary 9 630 000 teńge­ni quraı­dy. Atalǵan joba Qazaq­stan Respýb­lıkasynyń qolda­nystaǵy zań­namasyna qaıshy kelmeıdi jáne quqyqtyq akti­lerge qoıylǵan talaptar­ǵa jaýap beredi», delingen qujatta.

Elimizde soǵys ardagerlerine beri­letin áleýmettik tólem ár aı­maqta ártúrli. Ár oblys áleý­mettik kómek jergilikti bıýdjetten qarastyrylatyndyqtan, jyl saıynǵy merekelik jár­dem­­aqynyń kólemin ózderi she­shedi. Alaıda byltyr Prezı­dent barlyq óńirdegi ardagerlerge kem degende 1 mıllıon teńgeden berýdi tapsyrǵan edi. Sondyqtan mundaı mol mólsherdegi járdemaqyny Asta­nadaǵy ardagerler ǵana ala­dy degen túsinik bolmaýǵa tıis. О́kinishtisi sol, qazir qan maıdanda keýdesin oqqa tósegen maıdangerlerdiń qatary sırep barady. Eńbek jáne halyqty áleýmettik qorǵaý mınıstrliginiń dereginshe, 2021 jyly elimizde Ekinshi dúnıejúzilik soǵysqa qatysqan 665 ardager bolsa, byltyr 387 ardager tirkelgen, osylaısha, olardyń sany bir jylda 278 adamǵa azaıypty. Alaıda elimiz sol at tóbelindeı az ǵana adamdarǵa degen qurmetin aıaǵan emes.

Ekinshi dúnıejúzilik so­ǵys­qa qatysqan ard­agerlerge be­ri­letin birjolǵy járdem­aqy­nyń kólemi TMD-nyń bas­qa memleketterindegi jaǵdaı­­men salystyrǵanda, biz­diń el­de áldeqaıda joǵary bolyp shyq­ty. Máselen, Reseıde Ekin­shi dúnıejúzilik soǵystyń arda­gerlerine Jeńis kúninde 10 myń rýbl kóleminde jyl saıynǵy járdemaqy beriledi eken, bul – 130 dollar. Tájik­standa da tólem mólsheri ár aımaqqa ártúrli. Mysaly, Dý­shan­bedegi soǵys ardagerleri 3000 somonı, ıaǵnı 277,69 dollar alady. Belarýste 1 800 belarýs rýbli mólshe­rinde beriledi, bul – 636,3122 dollar. Ázerbaıjan prezıdenti Ilham Álıev byltyr 1941-1945 jyldardaǵy Ekinshi dú­nıe­júzilik soǵysqa qatysýshylarǵa 1 500 manat materıaldyq kó­mek bere­tinin aıtqan, bul 883,07 dollar bolady. Qyrǵyz Res­pýb­lıkasyndaǵy ardagerler Jeńis kúnine oraı 100 myń som ala­dy, bul qazirgi baǵammen – 1 144,46 dollar. О́zbekstanda Jeńis kúnine oraı 15 mıllıon sým beriledi, bul – 1 314,11 dol­lar. Al elimizde 800 myńnan berilgen­niń ózinde
1 741,47 dollar bolady eken.