Ustaz • 29 Naýryz, 2023

Ustaz – uly qyzmet

VIII saılanǵan Parlamenttiń alǵashqy sessııasynda Memleket basshysy Qasym-Jomart Toqaev búgingi tańdaǵy bilim sapasy týraly: «Bilim sapasyn, ásirese orta bilimniń deńgeıin arttyrý úshin batyl sheshim qabyldaý qajet. Bilim berý salasynda ustaz – eń basty tulǵa. Onyń qoǵamdaǵy abyroı-bedelin arttyra berýimiz kerek. Alaıda muǵalimderdiń, dırektorlardyń jáne pedagogıkalyq oqý oryndary túlekteriniń kópshiligi Ulttyq biliktilik emtıhanynan óte almady», dedi.

Egemen Qazaqstan

Bul – shyndyq. Munyń sebebin mekteptegi jáne joǵary oqý ornyndaǵy muǵalimder men oqytýshylardyń sapalyq quramynyń tómendep keýinen izdeý kerek shyǵar. О́z basym ǵylymı jumyspen aınalasa júrip mektepten qol úzgen emespin. Jasyratyny joq, osydan 20-25 jyl burynǵy bilim berýdiń sapa deńgeıine jete almaı otyrmyz. Sebebi qazir sapa emes, san qýyp, ótirik aqparat berý beleń alyp ketti. Buǵan qosa mektep te, joǵary oqý oryndary da qaǵazbastylyqtan kóz ashpaı keledi. Ásirese bastaýysh bilim berý júıesi syn kótermeıdi. Birinshiden, joǵary oqý oryndarynda bastaýysh synyp muǵalimderi sapasyz daıarlanady. Bilimniń negizi – bastaýysh synypta. Ekinshiden, mektep oqýlyqtarynda olqylyq kóp. О́kinishtisi, oqýlyqtardy jazýshylar mektepte jumys istep kórmegen, oqýshylardyń jas jáne psıhologııalyq erekshelikterin bile bermeıdi. Úshinshiden, búgingi tańda kóptegen mektepte oqý ordasynyń basshylary men meńgerýshileri óz pánderi boıynsha sabaq bere almaıdy. Endeshe, olar muǵalimderden qalaı bilim sapasyn talap ete alady?!

Memleket basshysynyń «Muǵalim tapshylyǵyn jeleý etip, mektepke kez kelgen adamdy jumysqa ala berýge bolmaıdy. Mundaı áreket ustazdardyń biliktilik deńgeıin kúrt tómendetedi. Sol sebepti muǵalim daıarlaý isin jetildirý úshin naqty is-sharalar qabyldaý qajet. Bul – óskeleń urpaqtyń bolashaǵyna baılanysty óte mańyzdy mindet» degen pikiri de óte oryndy. Ol úshin eń aldymen joǵary oqý ornyna túsetin mamandardy óner, jýrnalıstıka salasyndaǵy tártippen qabyldaý qajet. Iаǵnı muǵalimdik mamandyqty tańdaǵan talapkerdiń tym quryǵanda sol mamandyqqa ıkemdiligi, saýatty sóıleý, saýatty jaza bilý daǵdysy bolýy qajet.

Sonymen qatar Qasym-Jomart Toqaevtyń myna bir pikiri asa quptarlyq: «Bizde Prezıdenttik jastar kadr rezervi bar. Dál sol sııaqty bilim salasyna ózgeris ákeletin 1 myń maman arnaıy daıyndyqtan ótetin bolady. Osyǵan oraı tıisti baǵdarlama qabyldanady. Kadr máselesi joǵary bilim berý júıesi úshin de óte ózekti». Qoryta aıtqanda, Prezıdent aıtqan pikirlerdiń údesinen shyǵý jas urpaqqa bilim beretin árbir muǵalimniń jadynda bolýǵa tıisti tushymdy oılar.

Nursha ORAZAHYNOVA,

pedagogıka ǵylymdarynyń doktory, professor